બનાવતા શીખો એકદમ અલગ જ પ્રકારની લસણ અને ફુદીનાની ચટણી

સમોસા, કચોરી, ભેળ, દહીંપૂરી, પાણીપૂરી તેમજ સેવપૂરી સહિતની દરેક ચાટની મજા ચટણી વગર અધૂરી છે. ચટણીમાં પણ વેરાયટી જોવા મળે છે. જેમ કે, આંબલીની ચટણી, ફુદીનાની ચટણી, કોથમીર-મરચાની ચટણી, સીંગની ચટણી, કેરીની ચટણી, નારિયેળની ચટણી અને અન્ય ઘણી બધી. આજે અમે તમને એકદમ અલગ પ્રકારની લસણ અને ફુદીનાની ચટણી બનાવતા શીખવીશું. જેને તમે દરેક પ્રકારની ચાટ સાથે સર્વ કરશો સાથે જ તેનો ટેસ્ટ એટલો સરસ હોય છે કે તમને અન્ય ચટણીને ભૂલી જશો.

સામગ્રી
11 નંગ લસણની કળી
સ્વાદાનુંસાર મીઠું
2 કપ દહીં
1 ચમચી આદુ
4 ફુદીનાના પાન
2 ચમચી લીંબુનો રસ
3 નંગ લીલા મરચા
6-7 ચમચી પાણી

બનાવવાની રીત
લસણની કળીને ફોલી લો. મીડિયમ ફ્લેમ પર એક પેન ગરમ કરવા મૂકો. પેન ગરમ થાય એટલે લસણની કળીને તેમાં મૂકીને જ્યાં સુધી તે લાઈટ બ્રાઉન કલરની ન થાય ત્યાં સુધી શેકી લો. ગેસ બંધ કરીને લસણની કળીને પ્લેટમાં લઈ લો.

બનાવવાની રીત
એક મિક્સર જાર લો. તેમાં લીલા મરચા, આદુ, લસણની શેકેલી કળી, ફુદીનાના પાન, મીઠું તેમજ પાણી ઉમેરીને એકદમ સરસ પેસ્ટ બનાવી લો. તેમાં દહીં ઉમેરીને ફરીથી બ્લેન્ડ કરી લો.

બનાવવાની રીત
ચટણીને બાઉલમાં કાઢી લો. તેમા ઉપરથી લીંબૂ રસ ઉમેરીને મિક્સ કરી લો. તો તૈયાર છે લસણ-ફુદીનાની ચટણી. તેને થોડીવાર માટે ફ્રિજમાં ઠંડી થવા મૂકી દો. બાદમાં તેને ચાટ સાથે સર્વ કરો. આ ચટણીને તમે પરાઠા કે ભાખરી સાથે ખાશો તો પણ સરસ લાગશે.