લંચ અથવા ડિનરમાં આ રીતે બનાવો જીરા-મટર રાઈસ

જો તમને ભાતમાંથી બનેલી કોઈ પણ વાનગી જેમ કે, પુલાવ અને બિરયાની ભાવતી હોય તો તમારે જીરા-મટર રાઈસ એક વખત ટેસ્ટ કરવાની જરૂર છે. આ ડિશ બનાવવા માટે તમારે વટાણા સિવાય અન્ય કોઈ શાકભાજીની જરૂર પડતી નથી અને તે ફટાફટ બની પણ જાય છે. તો શીખી લો રેસિપી.

સામગ્રી
2 કપ ચોખા
1 કપ વટાણા
2 નંગ સમારેલા લીલા મરચા
2-3 મરી
2 નંગ લવિંગ
1 નંગ તમાલપત્ર
1 નાનો ટુકડો તજ
1 નાની ચમચી જીરું
1 નાની ચમચી ગરમ મસાલો
સ્વાદાનુંસાર મીઠું
2 ચમચી તેલ
જરૂર મુજબ પાણી

બનાવવાની રીત
સૌથી પહેલા એક પેનમાં તેલ ગરમ કરવા મૂકો. તેલ ગરમ થાય એટલે તેમાં જીરુ ઉમેરીને તતડવા દો. બાદમાં મરી, લવિંગ, તમાલપત્ર અને તજ ઉમેરીને શેકી લો. બાદમાં તેમાં લીલા મરચા ઉમેરો

બનાવવાની રીત
હવે તેમાં વટાણા ઉમેરીને 2 મિનિટ સુધી ચડવા દો. બાદમાં તેમાં ગરમ સમાલો, મીઠું અને ભાત ઉમેરીને 2 મિનિટ ચડવા દો. તેમાં થોડુ પાણી ઉમેરીને પેન પર ઢાંકણ ઢાંકીને ત્યાં સુધી ચડવા દો જ્યાં સુધી વટાણા અને ભાત સરસ રીતે બફાઈ ન જાય.

બનાવવાની રીત
ચોખા સરસ બફાઈ જાય એટલે ગેસ બંધ કરી દો. તો તૈયાર છે જીરા-મટર રાઈસ. તેને દહીં સાથે ગરમાગરમ સર્વ કરો.

આ પણ જુઓઃ આલુ ટિક્કી ચાટ બનાવવાની રેસિપી