યોગ બાદ હવે રસોઈ કરતા શિખવાડશે શિલ્પા શેટ્ટી

I am Gujarat

શિલ્પા લાવી રહી છે રેસિપીની બુક

અભિનેત્રી શિલ્પા શેટ્ટી હવે રસોઈ પર આધારીત પોતાની બુક લાવી રહી છે. આ પુસ્તકમાં તેની પસંદગીની 50 ખાસ રેસિપી છે, અને તેની વિસ્તૃત જાણકારી આપવામાં આવી છે. શિલ્પાની ‘ધ ડાયરી ઓફ એ ડોમેસ્ટિક દિવા’ બુકમાં એવી રસોઇની રેસિપી હશે જે અગાઉ ઇંસ્ટાગ્રામ પર શિલ્પાના પોપ્યુલર સન્ડે બિન્જ વિડીયો પર દેખાડાઇ ચુકી છે.

યોગની સીડી લોન્ચ કરી હતી

શિલ્પા શેટ્ટી કુન્દ્રાએ અગાઉ એક યોગા સીડી બહાર પાડી હતી. જેમાં તે સફળ રહી હતી. ‘શિલ્પા શેટ્ટી ચેનલ’ નામની પોર્ટલ પણ દુનિયાભરના ફિટનેસ પ્રેમીઓમાં જાણીતું છે.

બૂક માટે એવોર્ડ પણ મળી ચૂકયો છે

આ ઉપરાંત હવે તેની રસોઇ આધારીત બુક આવી રહી છે. જેમાં તંદુરસ્ત અને સ્વાદિષ્ટ ભોજનની માહિતી હશે. 2015માં શિલ્પાની ધ ગ્રેટ ઇન્ડિયન ડાયટ નામી બુક પણ આવી હતી. એ બૂક માટે શિલ્પાને એવોર્ડ પણ મળ્યા હતાં.