સાદા વડાપાઉં બહુ ખાધા હવે બનાવો મહારાષ્ટ્રીયન સ્ટાઈલના 'ઠેચા વડાપાઉં'

સાદું વડાપાઉં તો આપણે ખાતા જ હોઈએ છીએ. બહારથી લાવીને કે ઘરે બનાવીને ઘણીવાર ખાધું હશે. અરે, મુંબઈ જઈને પણ ત્યાંનુ ફેમસ વડાપાઉં ખાધું હશે પણ કોઈ દિવસ ઠેચા વડાપાઉં ખાધું છે? એકદમ ટેસ્ટી અને ચટાકેદાર હોય છે ઠેચા વડાપાઉં

સાદું વડાપાઉં તો આપણે ખાતા જ હોઈએ છીએ. બહારથી લાવીને કે ઘરે બનાવીને ઘણીવાર ખાધું હશે. અરે, મુંબઈ જઈને પણ ત્યાંનુ ફેમસ વડાપાઉં ખાધું હશે પણ કોઈ દિવસ ઠેચા વડાપાઉં ખાધું છે? એકદમ ટેસ્ટી અને ચટાકેદાર હોય છે ઠેચા વડાપાઉં

I am Gujarat

સામગ્રી

ઠેચા બનાવવા જોઈશે અડધો કપ ઝીણાં સમારેલા લીલા મરચાં અડધો કપ શિંગદાણા બે મોટી ચમચી બારીક સમારેલું લસણ 1/4 કપ ઝીણી સમારેલી કોથમીર મીઠું સ્વાદ અનુસાર તેલ સ્વાદ અનુસાર મુખ્ય સામગ્રી પાંચ પાઉં પાંચ બટાકા વડા બટર સ્વાદ અનુસાર

ઠેચા બનાવવાની રીત

સૌથી પહેલા મીડિયમ આંચ પર એક પૅન ગરમ કરવા મૂકો. ગરમ થાય એટલે મગફળી (શિંગદાણા) શેકી લો. મગફળી શેકતી વખતે જ ગેસ બંધ કરી દો. ઠંડી પડે એટલે ફોતરાં કાઢી લો. હવે મીડિયમ ફ્લેમ પર એક પૅનમાં તેલ ગરમ કરવા મૂકો. તેલ ગરમ થઈ જાય એટલે મરચું, લસણ અને કોથમીર ઉમેરીને સાંતળી લો. આ મિશ્રણ ઠંડો થઈ જાય એટલે મિક્સરમાં અધકચરું વાટી લો. તૈયાર છે ઠેચા.

વડાપાઉં બનાવવાની રીત

પાઉંને શેકવા માટે ધીમી આંચે એક લોઢી (તવા) ગરમ કરો. તવો ગરમ થાય એટલે બટર નાખીને પીગળવા દો. હવે આમાં પાઉંને બંને બાજુએથી બરાબર શેકી લો. પાઉંને વચ્ચેથી કાપીને બંને બાજુ ઠેચા પાથરી દો. પાઉંની એક બાજુએ બટાકા વડું મૂકીને પાઉં બંધ કરી દો. તૈયાર છે મહારાષ્ટ્રીયન રેસિપી ઠેચા વડાપાઉં.