એકથી વધુ લગ્ન કરવામાં મદદ કરશે આ વેબસાઈટ

પાકિસ્તાની મૂળના બ્રિટિશ ઉદ્યોગપતિ 33 વર્ષના આઝાદ ચાયવાળાએ એકથી વધુ લગ્ન કરવા ઈચ્છુક લોકો માટે મેચમેકિંગ સાઈટ બનાવી છે. આ એક અલગ પ્રકારની વેબસાઈટ છે. તેમણે ખાસ કરીને મુસ્લિમોને ધ્યાનમાં રાખી વર્ષ 2014માં SecondWife.com અને તે પછી Polygamy.com બનાવી છે.

ન્યૂયોર્ક ટાઈમ્સના રિપોર્ટ મુજબ, ચાયવાલાએ જણાવ્યું કે, હાલમાં આ વેબસાઈટ્સના હજારો સભ્ય બની ચૂક્યા છે. જોકે, બ્રિટન અને અમેરિકામાં બે લગ્ન ગુો છે, પરંતુ મોટાભાગના રજિસ્ટર્ડ યૂઝર્સ આ દેશોના જ છે. પરંતુ ભારત, પાકિસ્તાન કે એશિયા અને આફ્રિકાના અન્ય દેશોના કેટલાક લોકો પણ તેમાં લોન ઈન કરે છે, જ્યાં બે લગ્ન કરવાને કાયદાકીય માન્યતા મળેલી છે. જોકે, તેમને એ જાણ નથી કે તેમની સાઈટ્સની મદદથી કેટલાક લગ્નો થયા છે, પરંતુ ચાયવાલાએ જણાવ્યું કે, 100થી વધુ પત્ર મળ્યા છે, જેમાં લોકોએ બહુવિવાહમાં માર્ગદર્શન માટે આભાર માન્યો છે.

ચાયવાલા ચેપ, વૈશ્યવૃતિ, છૂટાછેડા અને પરિવારોને બર્બાદ થતા બચાવવા માટે બહુવિવાહને યોગ્ય માને છે. તે બહુવિવાહની ટીકાને એમ કહીને ફગાવી દે છે કે તે અનૈતિક સંબંધો અને વન નાઈટ સ્ટેન્ડથી વધુ સારા છે. તેમણે જણાવ્યું કે, ‘હું કહું છું કે બે કે ત્રણ લગ્ન કરો, પરંતુ તમારી પત્નીઓ પ્રત્યે વફાદાર રહો.’

આ સાઈટ પર પ્રોફાઈલ બનાવવા માટે કોઈ ચાર્જ લાગતો નથી. પરંતુ, પ્રોફાઈલ ફોટો બ્રાઉઝ કરવા માટે મેમ્બરશિપ લેવી પડશે, જેની એક મહિનાની ફી 20 ડોલર એટલે કે 1,340 રૂપિયા અને ત્રણ મહિનાની ફી 45 ડોલર એટલે કે 3,016 રૂપિયા છે.

SecondWife.com પર ત્રણ ચતુર્થાંત યૂઝર્સ પુરુષ છે, પરંતુ Polygamy.com પર મોટાભાગે મહિલાઓએ પોતાની પ્રોફાઈલ પોસ્ટ કરી છે. તેમનું અનુમાન છે કે મોટાભાગની મહિલાઓ ફુલટાઈમ હસ્બન્ડ નથી ઈચ્છતી અથવા પહેલાથી પરણિતી પુરુષને તે પ્લસ પોઈન્ટ માને છે. તેમણે કહ્યું કે, ‘બની શકે કે મહિલાઓ વિચારતી હોય કે એક વ્યક્તિ જે પહેલાથી જ એક પત્નીનું ધ્યાન રાખી રહ્યો છે, કદાચ તે તેનું પણ વધુ સારી રીતે ધ્યાન રાખશે.’