ધ્યાન રાખો, આવું કરતા હોય તેવા બોય્ઝને ગર્લ્સ જલ્દી છોડી દે છે

I am Gujarat

પ્રેમના અતિરેકમાં આવી ભૂલ ના કરતા

જો તમે કોઈને ખૂબ પ્રેમ કરો છો, તેમને મેળવવા માટે કંઇપણ કરી શકો છો? જો તમે પણ આવા સવાલના જવાબમાં હા કહેતા હોય તો અત્યારથી જ થોડું સાવધાન થઈ જવાની જરુર છે. કેમ કે આવી સ્થિતિમાં કદાચ તે મળી પણ જાય તેમ છતા તમારી કેટલીક ભૂલોના કારણે વધુ સમય તમારી સાથે નહીં રહી શકે. માટે જાણી લો કે પ્રેમના અતિરેકમાં લોકો કેવી ભૂલ કર છે.

પોતાનું આત્મસમ્માન જાળવી રાખો

પ્રેમમાં વ્યક્તિએ પોતાની જાતનું મહત્વ ઘટાડી દેવું ન જોઇએ. પ્રેમના અતિરેકમાં ક્યારેક લોકો પોતાની જાતને પણ ભૂલાવી બેસે છે. જ્યારે તેમને તમારૂ મહત્વ જ નહીં રહે તો સામેની વ્યક્તિ પણ તમારી ઇજ્જત નહીં કરે. આ માટે ગળાડૂબ પ્રેમ કરો પરંતુ તમારૂં આત્મસન્માન જાળવીને.

સતત તેમને ખુશ કરવાના પ્રયાસ ન કરવા

પ્રેમમાં સરપ્રાઈઝ આપવી કે ઉપહાર આપવા તે તો પ્રેમની ખુશીને વધારી દે છે. પરંતુ જો બધુ પાર્ટનરને ખુશ કરવા માટે સતત 24 કલાક કરવામાં આવે તો તમારી આદત પાર્ટનર માટે ભાર બની જશે. તમે એવું તો ક્યારેય નહીં ઇચ્છો કે તમે જેને પ્રેમ કરો છો. તે વ્યક્તિ માટે તમે ભાર બની જાવ.

બેબી-જાનૂ સ્વીટી વધુ પડતું ન કરતા…

બેબી, જાનૂ, સ્વીટી જેવા ક્યૂટ નામથી તમે તમારી સ્પેશિયલ વનને બોલાવવાનું પસંદ કરો છો પરંતુ તમારે એ પણ સમજવું જોઇએ કે તમારા પાર્ટનર હંમેશા સારા મૂડમાં નથી હોતા. તમને એવું લાગે છે કે તમે તેમને પ્રેમ આપી રહ્યાં છો પરંતુ પાર્ટનર ક્યારેક સતત આવી આદતથી કંટાળી પણ જાય છે. સંબંધને નોર્મલ રાખવા માટે પાર્ટનરના હિસાબથી વાત કરવાની કોશિશ કરવી જોઇએ.

સતત તમારા દુઃખને ન રડો તેમની સામે

પ્રેમમાં સાથની જરૂરત હોય છે. એકબીજાના સુખ-દુ:ખને શેર કરવાની આવશ્યકતા હોય છે. જો કે કેટલીક વાર એવું હોય છે કે તમે પાર્ટનર સાથે બહુ બધી વસ્તુઓ શેર કરવા લાગો છો. આ સ્થિતિમાં આપનું દુ:ખ, તકલીફો બધું જ સતત સાંભળી-સાંભળીને પાર્ટનર કંટાળી જાય છે અને આ સંબંધ કંટાળાજનક અને ભારરૂપ બની જાય છે.

પ્રેમમાં ‘જૂઠ બોલના હે મના’

પ્રેમમાં જૂઠાણું બહુ દિવસ સુધી નથી ચાલતું. પ્રેમનો અતિરેક ક્યારેક જુઠ બોલવા પણ મજબૂર કરે છે. ક્યારેક પ્રેમી એવું વિચારે છે કે, અમુક સચ્ચાઈ તેમના પાર્ટનર સામે આવી જશે તો તે તેમનો સાથ છોડી દેશે. આવા ડરને કારણે યુવકો અથવા તો યુવતી તેમની પ્રેમીથી કેટલીક વાતોને છુપાવે છે પરંતુ સત્ય સામે આવ્યા વિના રહેતું નથી. જ્યારે સત્ય સામે આવે છે ત્યારે સંબંધો સુધરવાના બદલે એવા વણસે છે કે પછી તેને જોડવા મુશ્કેલ પડે છે.