કારનો મુખ્ય કાચ કે જેને વિન્ડશિલ્ડ કહેવામાં આવે છે, આ કાચ કારની અંદર બેઠેલી વ્યક્તિઓને સુરક્ષિત રાખવાની સાથે ડ્રાઈવર માટે ઘણો જ ઉપયોગી છે. ઘણી વખત એવું બનતું હોય છે કે, કાર પડી હોય અને તેનો વિન્ડશિલ્ડ તૂટી પડે અથવા તેમાં ક્રેક પડી જાય. આમ થવા પાછળ કેટલાક નાના કારણો જવાબદાર હોઈ શકે છે. આવો અહીં તમને જણાવીએ કારણો જેથી તમે વિન્ડશિલને સાચવી શકો.
કાચની ગુણવત્તા
કારના વિન્ડશિલ્ડનું તૂટવા પાછળનું કારણ તેની ગુણવત્તા પણ જવાબદાર હોય છે. જો કંપની દ્વારા ખરાબ ક્વોલિટિના કાચનો ઉપયોગ કરવામાં આવ્યો હોય કે પછી યોગ્ય ટેક્નોલોજીનો ઉપયોગ કરવામાં ના આવ્યો હોય તો કાચ તૂટવાની સંભાવનાઓ ઘણી વધી જાય છે. ત્યાં સુધી કે સામાન્ય ટક્કરમાં પણ કારમાં તિરાડ પડીને નુકસાન થતું હોય છે.
પથરાવાળી જમીન
જો તમે કોઈ દેખાદેખીમાં કાર ચલાવતા હોવ કે પછી તમારી કારને બરાબર ઓળખ્યા વગર ડ્રાઈવ કરતા હોવ તો પણ કારને નુકસાન થઈ શકે છે. એસયુવી કાર જેવી તાકાત સામાન્ય કાર દરેક રસ્તા પર નથી કરી શકતી. જો વધારે પત્થરવાળી જમીન હોય અને આવી જગ્યા પર પત્થર ઉછળીને વિન્ડશિલ્ડ પર પડે તો તેને નુકસાન થતું હોય છે. એક નાનકડો પત્થર ઉછળીને વિન્ડશિલ્ડ પર પડવાથી તે બ્રેક થઈ શકે છે. માટે પર્વત કે નદીના પટ પાસેની જગ્યા પર વાહન સંભાળીને હંકારવું જોઈએ.
કંસ્ટ્રક્શનવાળી જગ્યા
રસ્તો બની રહ્યો હોય કે પછી અન્ય કોઈ કન્સ્ટ્રક્શન રસ્તાની બાજુમાં ચાલતું હોય તો કારના અન્ય સ્પેરપાર્ટ્સની સાથે વિન્ડશિલ્ડને નુકસાન થઈ શકે છે. એક નાનો કપચીનો ટૂકડો વિન્ડશિલ્ડ પર પડવાથી તેને નુકસાન થઈ શકે છે.
તાપમાન
ઘણી વખત તાપમાનમાં અચાનક બદલાવ આવવાના કારણે વિન્ડશિલ્ડ તૂટી જાય છે. કારના વિન્ડશિલ્ડને ફીટ કરતા પહેલા કાચ પર અલગ-અલગ ટેમ્પ્રેચર દ્વારા રિસર્ચ કરવામાં આવ્યું હોય છે આમ છતાં ઘણી વખત એવું બનતું હોય છે અચાનક તાપમાન વધી કે ઘટી જવાથી કાચને નુકસાન થતું હોય છે.
ઝાડ નીચે પાર્કિંગ
કાર છાંયડામાં રહે તે કારણે ઝાડ નીચે કાર પાર્કિંગ કરવામાં આવતું હોય છે આવામાં ઝાડ પરથી લાકડું કે અન્ય વસ્તું પડવાથી કાચને નુકસાન થવાની સંભાવના વધી જાય છે. આ કારણે જ્યારે પણ ઝાડની નીચે કાર પાર્ક કરતા પહેલા આ બાબતો વિશે ચોક્કસ વિચારવું જોઈએ.
ચોમાસું
ગુજરાત જેવા પ્રદેશમાં વરસાદ દરમિયાન બરફ પડવાની સંભાવના નહીવત છે પણ ઘણી વખત કરા પડવાની ઘટના બને છે. આ કરા પત્થર જેવા સ્વરુપમાં હોય છે જે સીધા કાચ પર અથડાવાના કારણે તેને નુકસાન થઈ શકે છે. વઘારે પ્રમાણમાં વરસાદ થઈ રહ્યો હોય અને કારની ગતિ હોય ત્યારે પણ દબાણ વધવાથી વિન્ડશિલ્ડને નુકસાન થઈ શકે છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.