ચાણક્ય નીતિઃ આચાર્ય ચાણક્યએ જણાવ્યું લગ્નમાં સુખ અને જીવનમાં સફળતાનું રહસ્ય, 4 બાબતોથી રહો દૂર

એવા સંબંધો જે તણાવ, અપ્રસન્નતા અને જટિલતાથી ભરેલા હોય છે, તે વ્યક્તિની સફળતાની રાહમાં મુશ્કેલી ઉભી કરી શકે છે. જ્યાં સુધી આ ચીજો તેના જીવનમાં મોજૂદ રહે છે, ત્યાં સુધી તે ગમે તે પ્રકારે મહેનત કરે અથવા ગમે તેટલો વ્યક્તિ પ્રભાવશાળી હોવા છતાં તેને સફળતા નથી મળતી. આનાથી તદ્દન વિરૂદ્ધ જો વ્યક્તિનું લગ્ન જીવન ખુશીઓથી ભરેલુ છે તો આ બાબત તેને સફળ થવામાં મદદ કરે છે. નીતિ અનુસાર, વ્યક્તિના વિકાસની સંભાવનાનો વૈવાહિક જીવન સાથે ઉંડો સંબંધ છે.

ચાણક્ય નીતિ અનુસાર, પતિ અને પત્ની વચ્ચે સન્માનનો ભાવ અને વિશ્વાસ હોવો ખૂબ જ જરૂરી છે. કપલ વચ્ચે સંબંધ પરસ્પર વિશ્વાસના આધારે જ મજબૂત બને છે, જેનો પાયો ગરિમા રાકે છે. આ બંને ગુણ પતિ-પત્નીમાં હોય તો પ્રતિ દિન તેમનો સંબંધ વધુ મજબૂત બનતો જાય છે. તેઓ એકબીજાંના વિચારોનું સન્માન કરે છે અને ભાવનાઓનો ખ્યાલ રાખે છે. જ્યારે પણ સંબંધની ગરિમાને ઠેસ પહોંચે છે, ત્યારે લગ્ન જીવનમાં કડવાશ અને તણાવ શરૂ થઇ જાય છે.

ચાણક્ય નીતિ અનુસાર, કોઇ પણ સંબંધને ગાઢ બનાવવા માટે પ્રેમ સૌથી મહત્વનો હોય છે, તેની સાથે સમર્પણનો ભાવ સંબંધને મજબૂત બનાવવા માટે મહત્વનો છે. પ્રેમનો દેખાડો ક્યારેય ના કરવો જોઇએ, ના તો એકબીજાંને વિશ્વાસઘાત કરવો જોઇએ. ચાણક્યએ પતિ-પત્નીના સંબંધને સૌથી પવિત્ર ગણાવ્યો છે.

પતિ-પત્ની વચ્ચે જૂઠાણાંનું કોઇ સ્થાન નથી. કોઇ પણ સ્થિતિમાં જૂઠને સંબંધથી દૂર રાખવું જરૂરી છે. સંબંધમાં જેટલી ઇમાનદારી હશે, તેટલો જ તે મજબૂત બનશે. આવું થવા પર પતિ-પત્ની ક્યારેય એકબીજાંથી અલગ નહીં થાય અને તેઓ પ્રેમથી એકબીજાં સાથે જીવન પસાર કરી શકે છે.

નોંધઃ આ લેખ સામાન્ય જાણકારી અને માહિતીના આધારિત છે, IAG આ અંગે પુષ્ટિ કરતું નથી.