આખરે ખૂલ્યા રાઝ, કેમ કપલ્સ કરે છે એકબીજા સાથે ચીટિંગ!

I am Gujarat

લોકો ચીટિંગ શા માટે કરે છે, મળ્યા રસપ્રદ જવાબ

આપણામાંથી મોટા ભાગના લોકો માટે સંબંધોમાં ચીટિંગ કરવી એક માફ ન કરાય તેવો ગુનો બને છે. પરંતુ એવા લોકોની પણ સંખ્યા ખૂબ હોય છે જેઓ પોતાના પાર્ટનર સાથે ચોરીછૂપીથી ચીટિંગ કરી લે છે. આવા કિસ્સામાં ક્યારેક તમારી ચોરી પકડાઈ જાય છે તો કેટલાય કિસ્સામાં કોઈને ગંધ સુદ્ધા નથી આવતી.

અનેક લોકોએ જણાવ્યા પોતાના ચીટિંગ અનુભવો

જોકે આખરે લોકો શા માટે પ્રામાણિક નથી રહેતા અને ચીટિંગ કરે છે. તે જાણવા માટે કેટલાક લોકોને પૂછવામાં આવ્યું કે તેમણે ચીટિંગ કરી છે કે નહીં અને કરી છે તો શા માટે તે તેમણે આવું કર્યું. આ લોકોના જવાબ અલગ અલગ અને રસપ્રદ હતા.

જૂના સંબંધોથી કંટાળીને કરી ચીટિંગ કરી

જૂના સંબંધોમાં માન, સમ્માન તેમજ પરસ્પરનો પ્રેમ અને હૂંફની કમીના કારણે કેટલાકે કબૂલ્યું કે તેમણે આ પ્રેમ અને સમ્માન માટે બહાર ફાંફા મારવા શરૂ કર્યા હતા. જેમાં કેટલાક સફળ થયા જ્યારે કેટલાકના આ નવા સંબંધ પણ સફળ ન રહ્યા.

ઇનસિક્યોરિટીની ભાવના

જ્યારે કેટલાકે સ્વિકાર્યું કે ચીટિંગ કરવી ખોટી બાબત છે તે પોતે જાણે છે પરંતુ કોઈપણ સંબંધોમાં થોડા દિવસો બાદ તેમને ઇનસિક્યોરિટીની ભાવના થવા લાગે છે અને પછી તેઓ અન્ય વ્યક્તિ તરફ આકર્ષાય છે. આ કારણે જ આવા લોકો એક જ સંબંધમાં લાંબો સમય ટકી શકતા નથી.

યુવનીના કારણે થઈ જાય છે ભૂલ

સંબંધોમાં ચીટિંગને લઈને કેટલાક કે કહ્યું કે, આ એવી ક્ષણ હોય છે કે તમે યુવાન હોવ છો તમારી પાસે સમાજ અને દુનિયાનું વધારે જ્ઞાન નથી હોતું. કોઇપણ પરિસ્થિતિને કેમ સંભાળવી તેની તમને ખબર નથી હોતી આ કારણે ક્યારેક ચીટિંગ કરી લો છો. જેમ કે એક 18 વર્ષીય યુવકે કહ્યું કે, તેને પોતાની ગર્લફ્રેન્ડની ફ્રેન્ડ સાથે સંબંધો હતા અને એવી સિચ્યુએશન હતી કે તે પોતાની ગર્લફ્રેન્ડને આ કહી શકે તેમ નહોતો અને પેલી છોકરીને છોડી શકે તેમ નહોતો આ કારણે તેમણે પોતાની ફ્રેન્ડ સાથે જ ચીટિંગ કરી.

કેટલાકના મતે આ રોજ-બરોજની સામાન્ય વાત

જાણીને નવાઈ લાગશે પરંતુ કેટલાક એવા પણ લોકો હોય છે જેમના માટે કોઈને ચીટ કરવું એક સામાન્ય વાત છે. આવા લોકોની દલીલ હોય છે કે કોઈ કારણોસર દબાઈને અથવા મરીને જીવવા કરતા વધુ સારું છે કે થોડો સમય માટે આનંદથી જીવી લેવું. આવા વ્યક્તિ ખૂબ ચાલાક હોય છે અને તેમની ચીટિંગ સામાન્ય રીતે પકડાતી પણ નથી.

કેટલાક બંને સબંધોને જાળવી જાણે છે

કેટલાક એવા પણ હોય છે જેઓ ગાઢ સંબંધમાં હોવા છતા બીજો સંબંધ બાંધે છે. તેમજ આવા લોકો ક્યારેક બંને સંબંધને જાળવે પણ છે.

ફાઇનલી કેટલાક ‘True Love’ માટે પણ ચીટિંગ કરે

જ્યારે કેટલાકને એક સંબંધમાં હોવા છતા અચાનક રીઅલાઇઝ થાય છે કે પોતે જેની સાથે સંબંધમાં છે તે નહીં પરંતુ આ નવી વ્યક્તિ જ તેનો સાચો પ્રેમ છે અને આ માટે તે પોતાના જૂના પાર્ટનરને છોડી દે છે.