(ફોટો ક્રેડિટ્સ - TOI)
ખર્ચાળ તો નથી ને તમારો પાર્ટનર
લગ્નજીવન (married life) માં એક વાત મહત્વની હોય છે કે, તમે અને તમારા જીવનસાથી (life partner) બચત પર ધ્યાન આપો છો કે નહીં. કારણ કે તેનાથી જ તમે તમારા ઘરને યોગ્ય રીતે ચલાવી શકો છો. તમારે તમારા જીવનસાથી સાથે નાણાકીય (Financial) સ્થિતિ અને સ્ટેબિલિટિ વિશે વાત કરવી જોઈએ. તમારા ખર્ચ અને બચત પર ગંભીર ચર્ચા શરૂ કરો, જેથી તમે લગ્નના બંધનમાં બાંધતા પહેલા દરેક બાબતથી વાકેફ થઈ શકો.
ફ્યુચર એક્સપેક્ટેશન અંગે વાત કરો
દરેક વ્યક્તિને તેના ભાવિ જીવનસાથી પાસેથી કેટલીક આશાઓ હોય છે. તમારે તેમની સાથે આ વિશે વાત કરવી જોઈએ અને પૂછવું જોઈએ કે, તેઓ તેમના જીવનસાથી પાસેથી શું અપેક્ષા (expectation) રાખે છે. તેમની ઈચ્છા જાણ્યા પછી, તમે આગળનો નિર્ણય લેવામાં કોઈ સંકોચ અનુભવશો નહીં. તમને ખબર હોવી જોઈએ કે તમે જેની સાથે લગ્ન કરવા જઈ રહ્યા છો, તે અને તેનો પરિવાર કેવા વિચારો ધરાવે છે અને જીવનમાં તમારા લક્ષ્ય સરખા છે કે નહીં.
રિલેશનશિપ અથવા સિક્રેટ્સ અંગે જાણકારી
તમે કોઈ વ્યક્તિ સાથે આખું જીવન વિતાવવાનું નક્કી કરવા જઈ રહ્યા છો, તેથી તમારે તેની પાસ્ટ લાઇફ ( Past Life) અથવા સિક્રેટ (Secret) વિશે પણ જાણવું જોઈએ. તમે પણ તમારા પાર્ટનર સાથે ઈમાનદાર રહો અને તેની સાથે પણ આ વિશે ખુલીને વાત કરો. જો કે, રિલેશનશિપ (relationship) માં આવ્યા પછી જ કપલ્સ ધીમે-ધીમે એકબીજા સાથે વાતો શૅર કરવાનું શરૂ કરી દે છે. જો કે, કેટલીક એવી વાતો પણ હોય છે, જે તેઓ જણાવવામાં સંકોચ અનુભવે છે. તેથી, તમામ માહિતી મેળવવા માટે તમારે તેમની સાથે વાત કરવી જરૂરી છે.
બાળકો અંગે પણ કરી લો વાત
આ વાતમાં કોઈ શંકા નથી કે બાળકો જીવનનો ખૂબ જ મહત્વપૂર્ણ ભાગ હોય છે. લગ્ન પછી ફેમિલી પ્લાનિંગ (Family planning) ને લઈને દરેક વ્યક્તિનું પોતાનું કમ્ફર્ટ હોય છે, જેના વિશે તમારે તમારા પાર્ટનર (partner) સાથે વાત કરવી જોઈએ, કારણ કે કોઈને લગ્ન પછી જલ્દી બાળકો જોઈએ છે, તો પછી કોઈક માટે કારકિર્દી પ્રથમ પ્રાથમિકતા હોય છે. એવામાં તમારા માટે જીવનસાથી (life partner) ની પસંદગી જાણવી ખૂબ જ મહત્વપૂર્ણ છે, જેથી તમે સરળતાથી લગ્નનો નિર્ણય લઈ શકો.