ડિલિવરી બોયને થોડું માન આપજો કારણકે...

સ્ટોરી- સુશ્મિતા મુખર્જી: ત્રણ ભાઈઓમાં સૌથી મોટા રાકેશ માટે પરિવારનું ગુજરાન ચલાવવું ભારે પડી રહ્યું હતું. ઓછું ભણતર હોવાના કારણે તેને કોલેજમાં એડમિશન પણ નહોતું મળ્યું અને નોકરી મળવી તો તેનાથી પણ મુશ્કેલ હતી. રાકેશ સ્કૂલમાં પોતાના દોસ્તોની મદદથી બાઈક ચલાવતા શીખ્યો હતો, અને આખરે તેને તેની આ જ સ્કીલ જોબ મેળવવામાં કામ આવી. રાકેશને એક દોસ્તે સૂચવ્યું કે તે ડિલિવરી બોય તરીકે નોકરી શરુ કરી દે, જેમાં તેને ઘર ચલાવવા જેટલો પગાર તો મળી જ જશે. રાકેશ ઈન્ટર્વ્યુ આપવા પહોંચ્યો ત્યાં પહેલાથી જ લાંબી લાઈન હતી, અને ત્રણ કલાકે તેનો નંબર આવ્યો. આખરે તેને નોકરી મળી ગઈ અને પગાર નક્કી થયો માત્ર રુ. 10,000. પરંતુ ડૂબતો તરણું પણ ઝાલે તેમ રાકેશે આ નોકરી પણ સ્વીકારી લીધી.