પહેલી દરેક ચીજ ખાસ જ હોય છે, તેમાંય લગ્નની વર્ષગાંઠ પણ એવો દિવસ છે જે દરેક વ્યક્તિ પોતાના પાર્ટનરની સાથે સેલિબ્રેટ કરવા ઇચ્છે છે. અહીં જાણો એવી ટિપ્સ જેમાં તમે સેલિબ્રેશન દરમિયાન દિલ ખોલીને એન્જોય કરી શકો છો તે પણ તમારાં ખાસ મિત્રો અને પરિવારજનોની સાથે, બિલકુલ ઓછા બજેટમાં.
(તસવીરોઃ ટાઇમ્સ ઓફ ઇન્ડિયા)
ઇન્વિટેશન કાર્ડ પર ખર્ચ ના કરો
આજકાલ ઓનલાઇન ઘણી સરળતાથી કોઇ પણ કાર્ડ (Invitation card Maker) બનાવી શકાય છે, જે દેખાવમાં ખૂબ જ સુંદર લાગતા હોય છે. એવામાં તમે કાર્ડ પ્રિન્ટ કરાવવાના બદલે ડિજિટલ (Digital Invitations Artwork) બનાવવાનો ઓપ્શન પસંદ કરો, આનાથી તમે ફોન પર તમારાં મિત્રો અને સંબંધીઓને કાર્ડ્સ મોકલી શકો છો. કાર્ડ પ્રિન્ટ કરાવવામાં ઘણો ખર્ચ થઇ જાય છે, તેથી ફોન પર ઇન્વિટેશન કાર્ડ મોકલવા બેસ્ટ ચોઇસ છે.
(તસવીરઃ નવભારત ટાઇમ્સ)
થીમ પાર્ટી છે બેસ્ટ આઇડિયા
આજકાલ મોટાંભાગની પાર્ટીઝ થીમ પર બેઝ્ડ (Theme party Ideas) હોય છે. એવામાં તમે પહેલી એનિવર્સરીમાં કપડાંની એવી થીમ રાખો જે તમારાં બજેટ (anniversary party ideas on a budget)માં હોય. આ માટે તમે જૂનો કોઇ ડ્રેસ અથવા નવા આઉટફિટ્સ તૈયાર કરાવી શકો છો. આ પાર્ટી તમારાં મિત્રો અને સંબંધીઓને પણ પસંદ આવશે અને નવા ડ્રેસિસની ખરીદીના પૈસાનો ખર્ચ પણ બચી જશે.
હોટેલ નહીં ઘરને બનાવો પાર્ટી ડેસ્ટિનેશન
જો તમે પહેલી એનિવર્સરીની પાર્ટી કોઇ મોટી હોટેલમાં પ્લાન કરી રહ્યા છો, તો તે આઉટ ઓફ બજેટ થઇ જ જશે. તેના બદલે તમે ઘરે જ બેસ્ટ ડેકોરેશન ( anniversary decoration ideas at home) કરાવીને કેટરિંગ દ્વારા ફૂડ (Anniversary Dinner Ideas) તૈયાર કરાવી શકો છો. આ ફૂડ તમે તમારાં મિત્રો કે સંબંધીઓની પસંદગીના આધારે પણ તૈયાર કરાવી શકો છો. ઘરે બનાવેલું ભોજન સસ્તું પણ પડશે અને તમારાં બજેટ અનુસાર ડિશિસ પણ રાખી શકો છો.
મિત્રને બનાવો ફોટોગ્રાફર
હવે લગ્નની પ્રથમ વર્ષગાંઠના સેલિબ્રેશનને તમે કેમેરામાં કેદ કરવા ઇચ્છશો જ. એવામાં કોઇ પ્રોફેશનલ ફોટોગ્રાફર પર પૈસા ખર્ચ કરવાના બદલે તમે એવા કોઇ મિત્રને આમંત્રણ આપી શકો છો જેના પાસે કેમેરા હોય અને તેને ફોટોગ્રાફીનો શોખ હોય. જો આવી શક્યતાઓ ના હોય તો, કોઇ એવા મિત્રને તસવીરો ક્લિક કરવા (anniversary couple photo ideas) મનાવી શકો છો જેને ફોટોગ્રાફી કરવાનું પસંદ હોય. આવા લોકો ફોટોગ્રાફ્સ ક્લિક કરવામાં માહેર હોય છે.