'યે રિશ્તા ક્યા કહેલાતા હૈ...' વરરાજા વગર આવી જાન, લગ્ન વગર જ દુલ્હનની વિદાઇ; જાણો આ અનોખા લગ્ન વિશે

ટાઇમ્સ ઓફ ઇન્ડિયાને આપેલા એક એક્સક્લૂઝિવ ઇન્ટરવ્યુમાં ક્ષમાએ કહ્યું કે, મને શરૂઆતથી જ અન્ય યુવતીઓની માફક દુલ્હન બનવાનું પસંદ હતું, પરંતુ કોઇની સાથે લગ્ન કર્યા વગર, કારણ કે, હું કોઇ પરંપરામાં બંધાવા નથી ઇચ્છતી. આ પહેલાં મેં ઓનલાઇન સર્ચ કર્યુ કે, આજ સુધી કોઇએ પોતાની જ સાથે લગ્ન કર્યા છે? પરંતુ મને એવું કોઇ મળ્યું જ નહીં, બાદમાં મેં મારી જાત સાથે જ લગ્ન કરવાનો નિર્ણય કર્યો. મારાં લગ્ન ભલે લોકોને અજીબ લાગે પણ હું આનાથી એ મેસેજ આપવા માંગુ છું કે, મહિલાઓની ઇચ્છાઓ સર્વોપરી હોય છે અને તેનું ખરેખર મહત્વ છે.

પોતાની આ વાતને સાબિત કરવા કે મહિલાઓની ઇચ્છાશક્તિ અને ક્ષમતા અદ્વિતિય છે, કોઇ પણ તેમના ગુણોની બરાબરી નથી કરી શકતું. લગ્ન બે આત્માઓનું મિલન હોય છે, તેનાથી જીવનમાં ખુશીઓનો સંચાર થાય છે અને આર્થિક સુવિધાઓનો ફાયદો પણ મળે છે, પરંતુ તેનો અર્થ એ નથી કે તમે પોતાના મહત્વને ઓછુ આંકો. આ જ કારણોસર જે લોકો પોતાની જાતને પ્રેમ કરે છે, તેઓને લાગે છે કે, કોઇ પણ અન્ય વ્યક્તિ તેમની જરૂરિયાતને સમજી નહીં શકે.

ક્ષમાના પોતાની જાત સાથે લગ્ન કરવાની વાત એ સાબિત કરે છે કે, દુનિયાના રીતિ-રિવાજથી કંઇક અલગ કરવું અને પોતાની જાતને પ્રથમ સ્થાને મુકવી ખોટું નથી. કોઇ અન્ય વ્યક્તિની સાથે જીવનભર રહેવાના કમિટમેન્ટ બાદ પણ સંબંધો તૂટી જતા હોય છે, ઘણાં લોકોને આર્થિક અને માનસિક નુકસાન પણ થાય છે. એવી સ્થિતિમાં પોતાને પાર્ટનર બનાવવાથી તમે ખુશ રહો છો એટલું જ નહીં, તમારાં સંબંધમાં રોમાન્સને જાળવી રાખવાની કોશિશ પણ નથી કરવી પડતી.

એ વાતથી ઇનકાર નહીં કરી શકો કે કોઇની પણ સાથે સંબંધમાં આવવાનો અર્થ માત્ર હરવા-ફરવા કે શોપિંગ કરવી જ નથી, પરંતુ એકબીજાંની સાથે ભાવનાત્મક રીતે જોડાવું પડે છે. પરંતુ જ્યારે તમે ભાવનાઓ રાખો છો તો તમને બીજાંને ખુશ રાખવાની કોઇ ચિંતા નથી રહેતી. આ દરમિયાન તમે પોતાની જાતને મહત્વ આપો છો, ઉપરાંત પોતાને મુશ્કેલ સમયમાં પણ પોતાને સંભાળી લો છો.