રેસ્ટોરાંમાં વેઈટર તરીકે કામ કરતી યુવતીને ઈન્સ્ટાગ્રામે રાતોરાત કરોડપતિ બનાવી દીધી

I am Gujarat

સોશિયલ મીડિયાએ બનાવી દીધી કરોડપતિ

તમામ તસવીરો ઈન્સ્ટાગ્રામ પરથી વોશિંગ્ટનમાં રહેતી 23 વર્ષની તાન્યા મેકડોવેલ એક સમયે એક રેસ્ટોરાંમાં સામાન્ય નોકરી કરતી હતી. તેનો પગાર પણ એક કલાકનો 7 ડોલર હતો. જોકે, તે ઈન્સ્ટાગ્રામ પર ખાસ્સી એક્ટિવ રહેતી હતી. સોશિયલ મીડિયા પર પોતાના ફોટોગ્રાફ્સ મૂકવાની શોખીન તાન્યા તેને કારણે જ આજે કરોડપતિ બની ગઈ છે.

મોડેલિંગ એજન્સીએ કર્યો કોન્ટેક્ટ

તાન્યાના ફોટોગ્રાફ્સ જોઈને એક વિખ્યાત મોડેલિંગ એજન્સીએ તેનો સંપર્ક કર્યો હતો, અને તેની સાથે કામ કરવાની ઈચ્છા વ્યક્ત કરી હતી. તેની સાથે મિટિંગ કરીને તાન્યાએ તરત જ કોન્ટ્રાક્ટ સાઈન કરી લીધો. ક્યારેક સામાન્ય નોકરી કરતી તાન્યા આજે આખી દુનિયામાં ફરે છે, અને જાણીતી બ્રાન્ડ્સ માટે મોડેલિંગ કરે છે.

ફિલ્ટર વિનાના જ ફોટા શેર કરતી હતી તાન્યા

વેઈટર તરીકે કામ કરતી હતી તે વખતે તાન્યા કોઈ ફિલ્ટર વિના ઈન્સ્ટાગ્રામ પર ફોટોગ્રાફ્સ મૂકતી હતી. જેની સુંદરતા અને ફેસના ફીચર્સ જોઈને માન્ચેસ્ટરની મોડેલિંગ એજન્સીએ તેનો સીધો જ કોન્ટેક્ટ કર્યો હતો. તાન્યા હવે બીજી એજન્સીઓ સાથે પણ કામ કરી રહી છે. તેને આશા છે કે તેનામાંથી મોડેલ બનવાના સપના જોતી અનેક છોકરીઓ પ્રેરણા લઈ શકશે.

સપનાની દુનિયામાં જીવું છું

પોતાની જે સાથે થયું તે એક સપનાંથી કમ નથી તેમ જણાવતા તાન્યા કહે છે કે તેને જ્યારે મોડેલિંગ એજન્સીમાંથી મેસેજ આવ્યો ત્યારે તેને પહેલા તો વિશ્વાસ જ નહોતો થઈ રહ્યો. જિંદગી અચાનક જ એટલી બધી બદલાઈ ગઈ કે હાલ હું જાણે સપનામાં જીવતી હોઉં તેવું મને લાગી રહ્યું છે.

જે મારી સાથે થયું તે ગમે તે સાથે થઈ શકે

તાન્યાનું કહેવું છે કે તેની સાથે જે થયું તે બીજા કોઈની સાથે પણ થઈ શકે છે. તેની લાઈફમાં અચાનક જે ટ્વીસ્ટ આવ્યો તેની તેણે ક્યારેય કલ્પના નહોતી કરી. એવું ક્યારેય ના વિચારશો કે તમારે જે જોઈએ છે તે જીવનમાં ક્યારેય નહીં મળે. તમારી ઈચ્છેલી વસ્તુ તમે કલ્પના પણ ન કરી હોય તેવા સમય અને સંજોગોમાં તમને મળી શકે છે. તમે ક્યાં રહો છો, શું કરો છો તેનાથી તેને કશોય ફરક નથી પડતો.

નાનપણથી મોડેલ બનવાની ઈચ્છા તો હતી પણ…

પોતે નાની હતી ત્યારે હંમેશા મોડેલ કેટ મોસ જેવી દેખાવા ઈચ્છતી હતી. જોકે, પોતાનો લૂક ગંદો છે અને તે ક્યારેય મોડેલ નહીં બની શકે તેવું પણ તેને હંમેશા લાગ્યા કરતું હતું. તાન્યાએ હવે યૂટ્યૂબ પર પોતાની ચેનલ પણ શરુ કરી છે, જેના પર તે મોડેલિંગની ટિપ્સ પણ આપે છે.