રિતેશ-જેનેલિયાના લગ્નજીવનમાંથી શીખવા જેવી છે ચાર બાબત, ક્યારેય નહીં થાય ઝઘડો

રિતેશ દેશમુખ અને જેનેલિયા ડિસૂઝા કૂલ કપલ્સમાંથી એક છે અને આ વાતમાં શંકાને સ્થાન નથી. લગ્નના આટલા વર્ષ બાદ પણ બંનેનું ટ્યૂનિંગ એટલું મસ્ત છે કે ન્યૂલી મેરિડ અથવા બોયફ્રેન્ડ-ગર્લફ્રેન્ડ વચ્ચેના સંબંધો ફિક્કા પડી જાય. સંબંધોને પ્રેમ અને ખુશીથી ભરપૂર રાખવા માટે રિતેશ અને જેનેલિયા બંને પોતાનું બેસ્ટ આપે છે. જેના કારણે જ તેમનું બોન્ડ જબરદસ્ત છે. આ કપલ પાસેથી બીજા પણ કંઈક શીખીને પોતાના સંબંધોને મજબૂત રાખી શકે છે.

ઉંમર માત્ર નંબર છે
આ કપલની વચ્ચે ઘણો એજગેપ છે. જેનેલિયા રિતેશ કરતાં 9 વર્ષ મોટી છે. બંને પરિવારની મંજૂરીથી લગ્ન કર્યા છે. એવું કહેવાઈ છે કે, કોઈ પણ સંબંધમાં એજ ફેક્ટર મોટો રોલ પ્લે કરે છે, પરંતુ બંને વચ્ચે પરસ્પર સમજૂતી અને પ્રેમ હોય તો ઉંમર માત્ર આંકડો બની જાય છે. આજકાલ લોકો પણ આ વાત સારી રીતે સમજવા લાગ્યા છે.

સાથે સમય પસાર કરવો જરૂરી
રિતેશ દેશમુખ ફિલ્મોમાં કામ કરી રહ્યો છે, તો જેનેલિયા સિલ્વર સ્ક્રીનથી દૂર છે. એક વ્યક્તિનું વ્યસ્ત રહેવું અને બીજાનું ઘર સંભાળવું, આ સ્થિતિથી ઘણીવાર કપલ્સની વચ્ચે અંતર આવી જાય છે. કારણ કે, બંનેને સાથે સમય પસાર કરવાની ઓછી તક મળે છે. આ સ્થિતિને પોતાની લાઈફથી દૂર રાખવા માટે રિતેશ-જેનેલિયાએ એક નિયમ બનાવ્યો છે કે જો તેઓ સેમ સિટીમાં છે તો દિવસમાં એકવાર સાથે જમશે. આ બાબત તેમને સાથે સમય પસાર કરવાની તક આપે છે.

પ્રેમ વ્યક્ત કરવામાં ખચકાટ કેવો?
એક ઈન્ટરવ્યૂમાં રિતેશે જણાવ્યું હતું કે, જેનેલિયા તેના કરતાં વધારે રોમાન્ટિક છે અને તે પોતાની ફીલિંગ્સ શબ્દો દ્વારા વ્યક્ત કરવામાં ખચકાતી નથી. તો બીજી તરફ રિતેશ પોતાના ઈમોશન્સ જાહેરમાં પત્નીનો હાથ પકડવામાં શરમાતો નથી. આ કપલ જાહેરમાં પ્રેમ વ્યક્ત કરવામાં શરમાતો નથી. આ જ કારણ છે કે, લગ્નના આટલા વર્ષ બાદ તેમની વચ્ચે રોમાન્સ યથાવત્ છે.

સન્માન અને સપોર્ટએજ ગેપ, એકનું વર્કિંગ હોવું અને બીજાનું ઘર સંભાળવું, બાળકોની જવાબદારી જેવી બાબતોને હેન્ડલ કરવી ત્યારે સરળ થઈ જાય છે, જ્યારે કપલની વચ્ચે સન્માન અને સપોર્ટનો ભાવ હોય છે. જેનેલિયા અને રિતેશ ન માત્ર એકબીજાની પસંદ-નાપસંદને સન્માન આપે છે પરંતુ સપોર્ટ પણ કરે છે. આ જ કારણથી બંને વચ્ચે ભાગ્યે જ ઝઘડો થાય છે.