સુપર સ્ટાર ગુરમીત ચૌધરીની પત્નીને દિકરીના ઉછેરમાં પડે છે તકલીફ, જણાવ્યું સૌથી મુશ્કેલ શું છે

દેબીના કહે છે કે મા બન્યા પછી તેની આખી જિંદગી બદલાય ગઇ છે. હવે તે જે કંઇ પણ કરે છે તેમાં તે સૌથી પહેલા તેની દિકરી વિશે વિચારે છે. ટ્રીપની પ્લાનિંગ કરવી હોય કે પછી કંઇ પણ હોય તે સૌથી પહેલા તેની દિકરીનું વિચારે છે કે તેને ફાવશે કે નહીં. તેનું બધું જ પ્લાનિંગ તેની દિકરીને ધ્યાનમાં રાખીને જ કરવામાં આવે છે. તે કંઇ પણ પ્લાન કરે તેમાં તે વિચારે છે કે આ બધામાં તેની દિકરી હેરાન તો નહીં થાય ને, તેને એડજસ્ટ થવામાં તકલીફ તો નહીં થાય ને.

ડેબીના કહે છે કે ફર્સ્ટ ટાઇમ પેરેન્ટ તરીકે તેના માટે સૌથી મુશ્કેલ વાત એ છે કે તેને તેની દિકરીના રડવાનું કારણ સમજાતું નથી. હું દર વખતે એ જાણવા, સમજવાની ટ્રાય કરતી હોવ છું કે તેને શું જોઇએ છે કે તે કેમ રડી રહી છે. આ વિચારવામાં જ હું મારો આખો દિવસ વિતાવું છું. (ફોટો ક્રેડિટ - TOI)

દેબીનાએ જણાવ્યું કે તેની માતા આવીને તેની દિકરીને સાચવે છે ત્યારે જ તે શાંતીનો શ્વાસ લઇ શકે છે. દેબીના કહે છે કે મને નથી લાગતું કે મારી માતાની પેરેન્ટીંગ ટિપ્સ વગર મારી દિકરીનું હું યોગ્ય રીતે ધ્યાન રાખી શકી હોત. હું મારી દિકરીના ઉછેર માટે ફક્ત અને ફક્ત મારી માતા પર જ ભરોષો કરું છું. (ફોટો ક્રેડિટ - TOI)

તો તમે નવી માતા હોવ અને જો તમને સમજાતું ન હોય કે તમારું બાળક ક્યાં કારણોસર રડી રહ્યું છે તો અમે તમને અહીં બાળકના રડવાના કેટલાક સામાન્ય કારણો જણાવશું.

ભુખ લાગી હોય

બાળકનું રડવાનું સૌથી પહેલું કારણ ભુખ લાગવી તે છે. જો તમારું બાળક 'નેહ' અવાજ કાઢ્યા વગર રડી રહ્યું હોય તેનો અર્થ એ છે કે તેને ભૂખ લાગી છે. (ફોટો ક્રેડિટ - TOI)

બાળકના પેટમાં ગેસ જલ્દી બને છે. આ કારણે તેને પેટમાં દુખે છે અને તે રડવા લાગે છે. બાળક ગોઠણને છાતીની બાજુમાં લાવીને પગને બહારની બાજુ કિક કરતું હોય ત્યારે સમજવું કે તેને ગેસ થયો છે.

ઊંઘ આવવાના કારણે

જ્યારે બાળકને ઊંઘ આવે છે ત્યારે તે 'ઉઆ' નો અવાજ કરીને રડે છે. રાતે જ્યારે તમારું બાળક આ રીતે રડે તો સમજવું કે તે થાકી ગયું છે અને તેને ઊંઘવું છે.