પ્રધાનમંત્રી નરેન્દ્ર મોદી બાદ હવે ‘મેન vs વાઈલ્ડ’ના હોસ્ટ બેયર ગ્રિલ્સ સાથે દેહરાદૂનની બે જોડિયા બહેનો તાશી અને નુંગ્શી મલિક જોવા મળશે. ફિજી આઈલેન્ડ પર 9થી 21 સપ્ટેમ્બર વચ્ચે થવા જઈ રહેલી 675 કિ.મીની ખાસ રેસ માટે ભારતથી આ બંને બહેનોનું સિલેક્શન થયું છે. ન્યૂઝ વેબસાઈટ અમરઉજાલાડોટકોમના અહેવાલ મુજબ, તાશી અને નુંગ્શીના પિતા કર્નલ વિરેન્દ્ર સિંહ મલિકના કહેવા મુજબ ફિજી આઈલેન્ડમાં યોજાનારી આ રેસમાં 30 દેશોની 60 ટીમો ભાગ લઈ રહી છે. પહેલીવાર દક્ષિણ એશિયા અને ભારતથી કોઈ ટીમનું સિલેક્શન થયું છે. તાશી-નુંગ્શીને ખુદ બેયર ગ્રિલ્સે બોલાવી છે. આ રેસ 10 એપિસોડમાં બતાવવામાં આવશે.
