(સૌજન્ય અને તસવીરોઃ ટાઇમ્સ ઓફ ઇન્ડિયા)
લગ્નની બંગડીઓનું મહત્વ
સિંદુર, મંગલસુત્રની જેમ લગ્નની બંગડીઓની પણ પરણીત સ્ત્રીઓના મનમાં એક ખાસ જગ્યા છે. લગ્નની બંગડીઓ કાચ, પ્લાસ્ટિક, સોના, ચાંદી, તાંબુ, લોખંડ અથવા પ્લેટેનિયમ જેવા ધાતુઓમાંથી બનાવવામાં આવે છે. આજકાલ માર્કેટમાં અનેક આકારની ફંકી બંગડીઓ મળવા લાગી છે પરંતુ ટ્રેડિશનલ સેટિંગમાં તો ગોળ આકારની અને કાચ કે ધાતુની બંગડીઓનું સૌથી વધુ મહત્વ છે. ઘણા લોકો માને છે કે પરણિત સ્ત્રીની બંગડીઓ અને પતિનું આયુષ્ય એકબીજા સાથે જોડાયેલું છે આથી તેઓ મજબૂત બંગડીઓ લેવાનું પસંદ કરે છે. લગ્નની બંગડીઓ પહેરાવતી વખતે ધ્યાન રાખવામાં આવે છે. જો બંગડી પહેરતી વખતે તૂટી જાય તો તેને અશુભ માનવામાં આવે છે.
બંગડીના રંગ શું સૂચવે છે?
લાલ, લીલા, પીળા રંગની અને સોના- ચાંદીની બંગડીઓ ગુડ લક, સોભાગ્ય અને સમૃદ્ધિ દર્શાવે છે. દેશના તમે કોઇપણ ખૂણે જાવ બંગડીઓનું મહત્વ દરેક ભાગમાં એટલું જ છે . દરેક પરણિત સ્ત્રીઓ માટે બંગડી પહેરવી એ પરંપરા છે.
લાલ, લીલી અને સોનાની બંગડી
- લાલ બંગડીઓ સારી ઉર્જા અને સમૃદ્ધિ દર્શાવે છે.
- લીલી બંગડીઓ ગુડ લક, ફર્ટિલિટી અને સમૃદ્ધિ દર્શાવે છે.
- પીળી અને સોનાની બંગડીઓ સુખ, નસીબ અને સમૃદ્ધિ દર્શાવે છે.
સફેદ અને ચાંદીની બંગડીઓ
- સફેદ બંગડીઓ નવી શરૂઆત અને શુભ ઉર્જા દર્શાવે છે.
- ચાંદીની બંગડીઓ શાંતિ અને સમૃદ્ધિ દર્શાવે છે.
સ્વાસ્થ્ય અને નસીબ માટે પહેરવાની પરંપરા
ભારતીય મહિલાઓ માટે બંગડીઓ માત્ર જ્વેલરી નથી. તેમને તેમની બંગડીઓ બહુ વ્હાલી હોય છે. સ્વાસ્થ્ય, નસીબ અને સમૃદ્ધિ માટે લગ્ન પછી બંગડીઓ પહેરવાની પરંપરા છે. બંગડીઓ ભારતીય મહિલાઓ માટે માત્ર એક્સેસરીઝ નથી પરંતુ તે તેમની ઓળખનો એક ભાગ છે.