Germany Student Visa: સ્ટુડન્ટ વિઝાની એપોઈન્ટમેન્ટ અંગે જર્મનીની જાહેરાતઃ નવેમ્બરથી દરવાજા ખુલશે

Germany Student Visa: હાયર એજ્યુકેશન માટે કેનેડા, અમેરિકા, જર્મની અને ઓસ્ટ્રેલિયા જતા ભારતીય વિદ્યાર્થીઓની સંખ્યા સતત વધી રહી છે. કોરોના દરમિયાન સ્ટુડન્ટને પણ વિઝાના એપોઈન્ટમેન્ટ (Visa Appointment) મેળવવામાં બહુ મુશ્કેલી મળી રહી છે. આ દરમિયાન જર્મનીએ જાહેરાત કરી છે કે સ્ટુડન્ટ વિઝા (Student Visa Appointment) માટે તે એપોઈન્ટમેન્ટના સ્લોટ ખોલશે. પહેલી નવેમ્બરથી VFS ગ્લોબલ મારફત જર્મનીના સ્ટુડન્ટ વિઝા માટેના સ્લોટ ખુલશે. જર્મનીમાં શિક્ષણના ધોરણો બહુ ઉંચા છે અને સ્ટુડન્ટ ફ્રેન્ડલી વાતાવરણ છે. જર્મનીની સરકારી યુનિવર્સિટીઓ વર્લ્ડ રેન્કિંગમાં ટોચનું સ્થાન ધરાવે છે. વિદ્યાર્થીઓ પાસે બહુ ઓછી ટ્યુશન ફી લેવામાં આવે છે

જર્મન દૂતાવાસની વેબસાઈટ પર જણાવાયું છે કે 2022માં શરૂ થતા વિન્ટર સેમેસ્ટર માટે એપોઈન્ટમેન્ટ વેઈટલિસ્ટમાં ઘણી અરજીઓ આવી છે. અત્યારે જર્મન યુનિવર્સિટીમાંથી કોણે વેલિડ એડમિશન લીધું છે તેની ચકાસણી કરવાનું એમ્બેસી માટે શક્ય નથી. તેથી તમામ વિદ્યાર્થીઓને વિનંતી કરવામાં આવે છે કે તમારી પાસે તમામ જરૂરી ડોક્યુમેન્ટ હોય તો જ એપોઈન્ટમેન્ટ માટે રજિસ્ટ્રેશન કરાવવું. જર્મનીના નવા નિયમો પ્રમાણે ભારતીય સ્ટુડન્ટ્સે સ્ટુડન્ટ વિઝાની અરજી કરતા પહેલાં એકેડેમિક ઈવેલ્યુએશન સેન્ટર (APS) પાસેથી એકેડેમિક રેકોર્ડ મેળવીને ઓથેન્ટિસિટિ સર્ટિફિકેટ મેળવવાનું જરૂરી છે. પહેલી નવેમ્બરથી APS સર્ટિફિકેટ્સ વિઝાની અરજી સાથે સોંપવા આવશ્યક છે. એટલે કે તેમણે સૌથી પહેલા APS સર્ટિફિકેટ મેળવીને અરજી કરવાની રહેશે. પહેલી ઓક્ટોબર 2022થી એપીએસ અરજી માટે ખુલશે.

કોવિડ અગાઉ 2019-20ના વિન્ટર સેમેસ્ટરમાં જર્મનીમાં 4.11 લાખ ઈન્ટરનેશનલ વિદ્યાર્થીઓએ નોંધણી કરાવી હતી. તેમાંથી ભારતીય સ્ટુડન્ટની સંખ્યા 25,149 હતી. અગાઉના એક વર્ષની તુલનામાં ભારતીય વિદ્યાર્થીઓની સંક્યામાં લગભગ 21 ટકાનો વધારો થયો છે તેમ જર્મન સરકારે જણાવ્યું હતું. મોટા ભાગના ભારતીય વિદ્યાર્થીઓ એન્જિનિયરિંગ, મેનેજમેન્ટ, સોશિયલ સ્ટડી, ગણિત અને નેચરલ સાયન્સ ભણવા માટે જર્મનીની પસંદગી કરે છે. કોવિડ પછી પણ જર્મનીમાં ભારતીય વિદ્યાર્થીઓની સંખ્યામાં વધારો થયો છે. ભારત ઉપરાંત તુર્કી, ઈરાન, ઈટાલી અને ફ્રાન્સના વિદ્યાર્થીઓ હાયર એજ્યુકેશન માટે જર્મનીને વધારે પસંદ કરે છે.

હાયર એજ્યુકેશન માટે જર્મનીની પસંદગીભારત સહિતના એશિયન દેશોના વિદ્યાર્થીઓ ઉચ્ચ અભ્યાસ માટે જર્મનીને પસંદ કરી રહ્યા છે. તેનું કારણ છે કે જર્મનીમાં શિક્ષણના ધોરણો બહુ ઉંચા છે અને સ્ટુડન્ટ ફ્રેન્ડલી વાતાવરણ છે. જર્મનીની સરકારી યુનિવર્સિટીઓ વર્લ્ડ રેન્કિંગમાં ટોચનું સ્થાન ધરાવે છે. વિદ્યાર્થીઓ પાસે બહુ ઓછી ટ્યુશન ફી લેવામાં આવે છે અથવા બિલકુલ ફી લેવાતી નથી. 2014માં સરકારે એક નિયમ લાગુ કર્યો હતો તે પ્રમાણે ઈન્ટરનેશનલ વિદ્યાર્થીઓ માટે પણ સરકારી યુનિવર્સિટીઓમાં ટ્યુશન ફીમાંથી માફી આપવામાં આવી છે. અહીં સાક્ષરતાનો દર ઉચો છે અને એમ્પ્લોયમેન્ટ માટે સારામાં સારું વાતાવરણ પૂરું પાડે છે.