અમદાવાદ: સપ્ટેમ્બર 2015માં ગેરકાયદે રીતે અમેરિકા ઘૂસવાના ચક્કરમાં મરતા-મરતા બચેલો ઉત્તર ગુજરાતનો એક પાટીદાર યુવક ફરી અમેરિકા જવા નીકળ્યો હોવાની માહિતી પોલીસને પ્રાપ્ત થઈ છે. મયૂર પટેલ નામનો આ યુવક સાત વર્ષ પહેલા બોટમાં સવાર થઈ અમેરિકાની બોર્ડર ક્રોસ કરવા પ્રયાસ કરી રહ્યો હતો ત્યારે બોટ ડૂબી જતાં તેની સાથે તેમાં સવાર બે યુવકોના મોત થયા હતા. જોકે, મયૂરને સ્થાનિક લોકોએ બચાવી લીધો હતો. પરંતુ 27 વર્ષનો મયૂર જાણે ફરી જીવનું જોખમ લેવા તૈયાર થયો હોય તેમ મે 2022થી ગાયબ છે, અને પોલીસને શંકા છે કે તે ફરી અમેરિકા જવા નીકળી ગયો છે.
મયૂરના પિતા ઉત્તર ગુજરાતના એક ગામમાં શિક્ષક છે. જૂન 2015માં મયૂરે કેનેડાના સ્ટૂડન્ટ વિઝા માટે એપ્લાય કર્યું હતું. તેની વિઝા એપ્લિકેશન મંજૂર થઈ જતાં તે ભાર્ગવ પટેલ અને યોગેશ સથવારા નામના બે એજન્ટોની મદદથી બેંગલુરુથી કેનેડાના ઓન્ટારિયો પહોંચ્યો હતો.
મયૂરના બે સાથી તેની નજર સામે જ ડૂબી ગયા હતા
3 સપ્ટેમ્બર 2015ના રોજ મયૂર પટેલ મહેસાણાના અખાજ ગામના બે યુવકો રવિ પટેલ અને કૃણાલ પટેલ સાથે બોટમાં સવાર થઈને અમેરિકા જવા નીકળ્યો હતો. આ બોટ એક અમેરિકન નાગરિક ચલાવી રહ્યો હતો. તેમણે બોર્ડર ક્રોસ કરી તેના થોડા જ સમયમાં સ્પીડ બોટ ડૂબવા લાગી હતી. વળી, બોટમાં લાઈફ જેકેટ ના હોવાથી રવિ અને કૃણાલ ડૂબી ગયા હતા જ્યારે મયૂરને સ્થાનિક લોકોએ બચાવી લીધો હતો. પોલીસે તેની ધરપકડ કર્યા બાદ મયૂર પર અમેરિકામાં ગેરકાયદે રીતે ઘૂસવાનો ગુનો દાખલ કરવામાં આવ્યો હતો. આખરે તેને ડિપોર્ટ કરી દિલ્હી જતી ફ્લાઈટમાં બેસાડી દેવાયો હતો.
ડિપોર્ટ થયા બાદ 2018થી અમેરિકા જવા પ્રયાસ કરી રહ્યો હતો મયૂર
ગુજરાત પોલીસના સૂત્રોનું માનીએ તો ડિપોર્ટ થયા બાદ દિલ્હી એરપોર્ટ પર લેન્ડ થયેલો મયૂર પટેલ બે મહિનાથી ગાયબ છે. અમેરિકાથી ડિપોર્ટ થયેલા મયૂરે જાન્યુઆરી 2018માં જ ફરી ત્યાં જવાની તૈયારી શરુ કરી દીધી હતી. મયૂરે અમેરિકા જવા માટે લોકલ એજન્ટનો સંપર્ક સાધ્યો હતો. આ એજન્ટ ભાર્ગવ પટેલ અને યોગેશ સથવારા નામના બે જાણીતા એજન્ટો માટે કામ કરતો હતો. આ સિવાય આ વખતે મયૂરને મોકલવામાં કુખ્યાત એજન્ટ ભરત પટેલ ઉર્ફે બોબીની પણ સંડોવણી હોવાનું બહાર આવ્યું છે. પોલીસનું માનવું છે કે, યોગેશ સથવારા હાલ અમેરિકામાં છે.
મયૂરે બોગસ ડોક્યુમેન્ટ્સ પર ફરી કેનેડાના વિઝા મેળવ્યા
મયૂર પટેલે બોગસ દસ્તાવેજના આધારે ફરી કેનેડાના સ્ટૂડન્ટ વિઝા મેળવ્યા હતા અને આ વર્ષના મે મહિનામાં જ પોતાના ગામથી નીકળી ગયો હતો. ડીંગુચાની ઘટના બાદ ગુજરાત પોલીસ ગેરકાયદે અમેરિકા મોકલવાના નેટવર્ક પર ચાંપતી નજર રાખી રહી છે. જેમાં મયૂર પટેલનો કેસ પણ પોલીસના ધ્યાને આવ્યો હતો. આ અંગે પોલીસે તેના પરિવારજનોની પણ પૂછપરછ કરી હતી, પરંતુ તેઓ એક જ વાતનું રટણ કરી રહ્યા છે કે મયૂર પટેલ બે મહિનાથી ગુમ છે.
ટેક્સાસમાં થયા હતા 52 લોકોના મોત
અમેરિકામાં હાલમાં જ ટેક્સાસમાં કન્ટેનરમાં સવાર થઈ ગેરકાયદે રીતે ઘૂસવાનો પ્રયાસ કરવામાં 53 લોકોના મોત થયા હતા. આ પહેલા જાન્યુઆરી 2022માં પરિવાર સાથે કેનેડાથી બોર્ડર ક્રોસ કરી અમેરિકા જવા નીકળેલા ડીંગુચાના જગદીશ પટેલ, તેમના પત્ની અને બે બાળકોના કાતિલ ઠંડીમાં થીજી જવાથી મોત થયા હતા. એપ્રિલ મહિનામાં જ અમેરિકાની પોલીસે ગેરકાયદે રીતે ઘૂસેલા છ પાટીદાર યુવકોને ડૂબતા બચાવ્યા હતા. ગમે તે કિંમતે અમેરિકા જવા માગતા લોકો પોતે પણ જાણે છે કે તેમ કરવામાં જીવનું જોખમ છે, તેમ છતાંય અમેરિકા જવાનો મોહ છોડવા તેઓ તૈયાર નથી.
મયૂરના પિતા ઉત્તર ગુજરાતના એક ગામમાં શિક્ષક છે. જૂન 2015માં મયૂરે કેનેડાના સ્ટૂડન્ટ વિઝા માટે એપ્લાય કર્યું હતું. તેની વિઝા એપ્લિકેશન મંજૂર થઈ જતાં તે ભાર્ગવ પટેલ અને યોગેશ સથવારા નામના બે એજન્ટોની મદદથી બેંગલુરુથી કેનેડાના ઓન્ટારિયો પહોંચ્યો હતો.
મયૂરના બે સાથી તેની નજર સામે જ ડૂબી ગયા હતા
3 સપ્ટેમ્બર 2015ના રોજ મયૂર પટેલ મહેસાણાના અખાજ ગામના બે યુવકો રવિ પટેલ અને કૃણાલ પટેલ સાથે બોટમાં સવાર થઈને અમેરિકા જવા નીકળ્યો હતો. આ બોટ એક અમેરિકન નાગરિક ચલાવી રહ્યો હતો. તેમણે બોર્ડર ક્રોસ કરી તેના થોડા જ સમયમાં સ્પીડ બોટ ડૂબવા લાગી હતી. વળી, બોટમાં લાઈફ જેકેટ ના હોવાથી રવિ અને કૃણાલ ડૂબી ગયા હતા જ્યારે મયૂરને સ્થાનિક લોકોએ બચાવી લીધો હતો. પોલીસે તેની ધરપકડ કર્યા બાદ મયૂર પર અમેરિકામાં ગેરકાયદે રીતે ઘૂસવાનો ગુનો દાખલ કરવામાં આવ્યો હતો. આખરે તેને ડિપોર્ટ કરી દિલ્હી જતી ફ્લાઈટમાં બેસાડી દેવાયો હતો.
ડિપોર્ટ થયા બાદ 2018થી અમેરિકા જવા પ્રયાસ કરી રહ્યો હતો મયૂર
ગુજરાત પોલીસના સૂત્રોનું માનીએ તો ડિપોર્ટ થયા બાદ દિલ્હી એરપોર્ટ પર લેન્ડ થયેલો મયૂર પટેલ બે મહિનાથી ગાયબ છે. અમેરિકાથી ડિપોર્ટ થયેલા મયૂરે જાન્યુઆરી 2018માં જ ફરી ત્યાં જવાની તૈયારી શરુ કરી દીધી હતી. મયૂરે અમેરિકા જવા માટે લોકલ એજન્ટનો સંપર્ક સાધ્યો હતો. આ એજન્ટ ભાર્ગવ પટેલ અને યોગેશ સથવારા નામના બે જાણીતા એજન્ટો માટે કામ કરતો હતો. આ સિવાય આ વખતે મયૂરને મોકલવામાં કુખ્યાત એજન્ટ ભરત પટેલ ઉર્ફે બોબીની પણ સંડોવણી હોવાનું બહાર આવ્યું છે. પોલીસનું માનવું છે કે, યોગેશ સથવારા હાલ અમેરિકામાં છે.
મયૂરે બોગસ ડોક્યુમેન્ટ્સ પર ફરી કેનેડાના વિઝા મેળવ્યા
મયૂર પટેલે બોગસ દસ્તાવેજના આધારે ફરી કેનેડાના સ્ટૂડન્ટ વિઝા મેળવ્યા હતા અને આ વર્ષના મે મહિનામાં જ પોતાના ગામથી નીકળી ગયો હતો. ડીંગુચાની ઘટના બાદ ગુજરાત પોલીસ ગેરકાયદે અમેરિકા મોકલવાના નેટવર્ક પર ચાંપતી નજર રાખી રહી છે. જેમાં મયૂર પટેલનો કેસ પણ પોલીસના ધ્યાને આવ્યો હતો. આ અંગે પોલીસે તેના પરિવારજનોની પણ પૂછપરછ કરી હતી, પરંતુ તેઓ એક જ વાતનું રટણ કરી રહ્યા છે કે મયૂર પટેલ બે મહિનાથી ગુમ છે.
ટેક્સાસમાં થયા હતા 52 લોકોના મોત
અમેરિકામાં હાલમાં જ ટેક્સાસમાં કન્ટેનરમાં સવાર થઈ ગેરકાયદે રીતે ઘૂસવાનો પ્રયાસ કરવામાં 53 લોકોના મોત થયા હતા. આ પહેલા જાન્યુઆરી 2022માં પરિવાર સાથે કેનેડાથી બોર્ડર ક્રોસ કરી અમેરિકા જવા નીકળેલા ડીંગુચાના જગદીશ પટેલ, તેમના પત્ની અને બે બાળકોના કાતિલ ઠંડીમાં થીજી જવાથી મોત થયા હતા. એપ્રિલ મહિનામાં જ અમેરિકાની પોલીસે ગેરકાયદે રીતે ઘૂસેલા છ પાટીદાર યુવકોને ડૂબતા બચાવ્યા હતા. ગમે તે કિંમતે અમેરિકા જવા માગતા લોકો પોતે પણ જાણે છે કે તેમ કરવામાં જીવનું જોખમ છે, તેમ છતાંય અમેરિકા જવાનો મોહ છોડવા તેઓ તૈયાર નથી.