વર્ષ 1998માં આવેલી શાહરૂખ ખાન અને કાજોલની સુપરહિટ ફિલ્મ 'કુછ કુછ હોતા હે'માં નાના સરદારના પાત્રમાં જોવા મળેલા એક્ટર પરજાન દસ્તુરે તેની ગર્લફ્રેન્ડ ડેલના શ્રોફની સાથે લગ્ન કરી લીધા છે. તેઓ બંનેએ પારસી રીતિ-રિવાજ મુજબ લગ્ન કર્યા અને હવે સોશિયલ મીડિયા પર તેઓના લગ્નના ફોટોગ્રાફ્સ વાયરલ થઈ રહ્યા છે. વર્ષ 2019માં પરજાન દસ્તુર અને ડેલના શ્રોફે સગાઈ કરી હતી.
એક્ટર પરજાન દસ્તુરે ફિલ્મ 'કુછ કુછ હોતા હે' સિવાય 'મોહાબ્બતેં', 'પરઝાનિયા' અને 'કભી ખુશી કભી ગમ'માં નાનકડા રોલ કર્યા હતા. વર્ષ 2009માં આવેલી ફિલ્મ 'સિકંદર'માં તે મુખ્ય ભૂમિકામાં જોવા મળ્યો હતો.