Jio બાદ હવે અન્ય કંપનીઓ પણ વધારી શકે છે 4Gના ભાવ
- 1/4
સસ્તા ડેટાના દિવસો પૂરા થવાની તૈયારીમાં?
કલ્યાણ પર્બત, કોલકાતા: વિવિધ ટેલિકોમ કંપનીઓ વચ્ચે ગયા વર્ષે શરુ થયેલી સાવ સસ્તામાં 4G ડેટા આપવાની જંગ કદાચ હવે ખતમ થઈ શકે છે. દિવાળીના તહેવારમાં જ જિયોએ પોતાના 4G ટેરિફ પ્લાન્સમં 15થી 20 ટકાનો વધારો કર્યા બાદ હવે બીજી કંપનીઓ પણ આ દિશામાં આગળ વધી શકે છે. એનાલિસ્ટ્સનું કહેવું છે કે, એરટેલ, વોડાફોન અને આઈડિયા સેલ્યૂલર તરફથી પણ કિંમતમાં વધારો કરવામાં આવી શકે છે.
- 2/4
પ્રતિસ્પર્ધી કંપનીઓ હતી મજબૂર
સ્વિસ બ્રોકરેજ ફર્મ યુબીએસનું કહેવું છે કે, જિયો તરફથી કિંમતમાં વધારો તે તેની પ્રતિસ્પર્ધી કંપનીઓ માટે સારો સંકેત છે. કારણકે, જિયોને કારણે વિવિધ ટેલિકોમ કંપનીઓ છેલ્લા છ મહિનાથી સસ્તા પ્લાન્સ આપવા માટે મજબૂર હતી. હવે આ કંપનીઓ પણ કિંમતમાં વધારો કરી શકે છે.
- 3/4
આ છે જિયોનો પ્લાન
યુબીએસે એક નોટમાં કહ્યું છે કે, જિયોએ 149 રુપિયાના પોતાના મંથલી ડેટા પેકની લિમિટમાં બમણો વધારો કરતા તેને 4 જીબી કરી દીધું છે. તેનાથી જાણવા મળે છે કે, કંપની નાના પ્લાન્સમાં વધુ સુવિધા આપીને એક્સપાન્શન કરતા ગ્રાહકોને લાંબા સમય સુધી જોડી રાખવાની નીતિ પર કામ કરી રહી છે. જિયોએ પોતાના અનેક પોપ્યુલર પ્લાન્સના રેટમાં વધારો કર્યો છે. કંપનીએ 399ના પ્લાનની વેલિડિટી 84 દિવસથી ઘટાડી 70 દિવસ કરી દીધી છે. 84 દિવસના પ્લાન માટે હવે 399ને બદલે 459 રુપિયા ચૂકવવા પડશે.
- 4/4
કોમ્પિટિટર્સ માટે મોટી રાહત
જિયોનું આ પગલું એરટેલ, વોડાફોન તેમજ આઈડિયા જેવી કંપની માટે મોટી રાહત લઈને આવ્યું છે. સપ્ટેમ્બર 2016માં જિયોના લોન્ચિંગ બાદ ટેલિકોમ માર્કેટમાં ઉથલ-પાથલ મચી ગઈ હતી. જિયોએ શરુઆતમાં મફતમાં ડેટા અને કોલિંગની સુવિધા આપતા પ્રતિસ્પર્ધી કંપનીઓ મુશ્કેલીમાં મૂકાઈ ગઈ હતી. જેના કારણે તેમને પણ સસ્તા પ્લાન્સ જાહેર કરવાની ફરજ પડી હતી. જોકે, હવે તેમને પણ પ્લાન્સની કિંમત વધારવાનો અવકાશ મળ્યો છે.
- વધુ ઈમેજ જુઓડાઉનલોડ