અમદાવાદમાં આવશે JioFiber? 100mbpsની ઝડપે 100 જીબી ફ્રી ડેટા મળશે!
- 1/4
JioFiberની વિગતો લીક થઈ
નવી દિલ્હી: રિલાયન્સ Jioની બ્રોડબેન્ડ સર્વિસ JioFiber દિવાળીન આસપાસ લોન્ચ થઈ શકે છે. પરંતુ આ સ્કીમની જાણકારી Jioની ઓફિશિયલ વેબસાઈટ પર રિલીઝ થતાં પહેલા જ લીક થઈ ગઈ છે. આ પેજ ખાસ્સા સમય સુધી લાઈવ રહ્યું હતું, અને ત્યારબાદ તેને હટાવી દેવાયું હતું. લીક થયેલી માહિતી અનુસાર, JioFiber પ્રિવ્યૂ ઓફર અંતર્ગત દર મહિને 100 જીબી ડેટા 100mbpsની સ્પીડ પર ત્રણ મહિના સુધી ફ્રીમાં મળશે.
- 2/4
આટલી હશે સિક્યોરિટી ડિપોઝિટ?
100 જીબીની લિમિટ પૂરી થયા બાદ 1mbpsની સ્પીડ આપવામાં આવશે. JioFiber બ્રોડબેન્ડ માટે રિલાયન્સ જિયો 4500 રુપિયા સુધીની સિક્યોરિટી ડિપોઝિટ લઈ શકે છે. JioFiber 4K કન્ટેન્ટનું સ્ટ્રિમિંગ પણ કરશે. યુઝર તેમાં અનેક ડિવાઈસ એક સાથે જોડીને હાઈ-સ્પીડ ઈન્ટરનેટનો ઉપયોગ કરી શકે છે. સાઈટ પર એક રજિસ્ટ્રેશન પેજ પણ હતું, જેના પર યુઝર જિયોની JioFiber બ્રોડબેન્ડ સર્વિસ માટે રજિસ્ટ્રેશન કરાવી શકશે. યુઝર્સને પોતાનું આખું નામ, એડ્રેસ, શહેર, પિનકોડ, નામ, મોબાઈલ નંબર, ઈમેલ વગેરે માહિતી આપવાની રહેશે.
- 3/4
અમદાવાદમાં પણ મળી શકે છે JioFiber
આ ડિટેલ્સ જોઈને લાગી રહ્યું છે કે યુઝર્સ પાસે બે ઓપ્શન રહેશે. તેઓ કાંતો JioFiber સર્વિસ માટે રજિસ્ટર કરે કે પછી પોતાની બિલ્ડિંગમાં જિયોનું કવરેજ વધારે. તેનો અર્થ એ છે કે જિયો અનેક શહેરોમાં મેક્સિમમ કવરેજ માટે પોાતના જિયોફાઈબર બ્રોડબેન્ડ નેટવર્કનું વિસ્તરણ કરી રહ્યું છે. હાલના લિસ્ટમાં JioFiber અમદાવાદ, દિલ્હી, હૈદરાબાદ, જયપુર, કોલકાતા, મુંબઈ, સુરત, વડોદરા અને વિશાખાપટ્ટનમમાં મળી શકશે.
- 4/4
કેટલાક શહેરોમાં સર્વિસ ચાલુ
ઈકોનોમિક ટાઈમ્સમાં પહેલા પણ એક અહેવાલ પ્રસિદ્ધ થયો હતો કે જિયો દ્વારા 500 રુપિયામાં 100 જીબી ડેટા આપવામાં આવી શકે છે. મેમાં રિલાયન્સ જિયોએ ટ્વીટ કર્યું હતું કે જિયો ટ્રાયલ બેઝ પર કેટલાક શહેરોમાં આ સુવિધા આપી રહ્યું છે. જોકે, કંપનીએ ડેટા પ્લાન્સ પર વધુ માહિતી નહોતી આપી.
- વધુ ઈમેજ જુઓડાઉનલોડ