વધારે વજન હોવાથી ચિંતામાં ડૂબેલી આ છોકરીએ માત્ર 7 મહિનામાં ઉતાર્યું 20 કિલો વજન

I am Gujarat 1 Feb 2020, 11:01 pm

  • માત્ર 7 મહિનામાં ઉતાર્યું 20 કિલો વજન

    ખાણીપીણીના શોખીન એવા પંજાબી પરિવારની 29 વર્ષીય નવજોતે માત્ર 7 મહિનાના સમયગાળામાં તેનું 20 કિલોગ્રામ વજન ઉતાર્યું છે. નવજોતનું શરીર ભારે હતું તે 75 કિલોગ્રામની હતી જેના કારણે તે શરમ અનુભવતી હતી અને આ કારણે તે તણાવમાં સરી પડી તેમજ પોતાની નોકરી પણ છોડી દીધી. શરીર ઉતારવા માટે તેણે સૌપ્રથમ તેની ખાણીપીણીની આદત બદલી અને ફિટનેસ પર ધ્યાન આપવાનું નક્કી કર્યું. તો ચાલો જાણીએ આ યુવતીની શરીર ઉતારવાની પ્રક્રિયા વિશે. અમારા ન્યૂઝ Whatsapp પર મેળવવા અહીં ક્લિક કરો

  • જાણો તેની શરીર ઉતારવાની પ્રક્રિયા વિશે

    એકવખત શરીર ઉતારવાનું નક્કી કર્યા બાદ તેણે તેના બ્રેકફાસ્ટમાં દરરોજ 5 સફેદ ઈંડાની ઓમલેટ, 2 બ્રાઉન બ્રેડ અને સાથે એક કપ બ્લેક કોફી લેવાનું શરૂ કર્યું. તે લંચ દરમિયાન ઈંડાની ભુરજીની સાથે 2 રોટલી અને ગ્રીન સલાડ તેમજ કચુંબર રાઈતું ખાતી હતી. જ્યારે ડિનર સમયે તે કોઈ એક લીલી શાકભાજી, એક બાઉલ દાળ, 1 રોટલી અને ગ્રીન સલાડ ખાતી હતી. આ સિવાય અઠવાડિયામાં 5 દિવસ કસરત કરતી હતી કે જેમાં 15 મિનિટ રનિંગ અને 1 કલાક કસરતનો સમાવેશ થતો હતો.

  • શરીર વધારે હોવું મને શરમજનક લાગતું હતું

    વજન ઉતારવા માટેની પ્રેરણા અંગેની વાત કરતા નવજોત જણાવે છે કે તે પોતાની જાતને કોઈની સાથે સરખવાતી નથી પણ વજન ઉતારવા માટેના દરરોજના ગોલને સેટ કરીને જ તેનું કાર્ય કરતી હતી. તેણે કહ્યું કે શરીર વધારે હોવું મને શરમજનક લાગતું હતું, કે જેની અસર મારી માનસિક સ્થિતિ અને આત્મવિશ્વાસ પર પડતી હતી.

  • વજન વધુ હોવાથી લોકો મને મોટી ઊંમરની સમજતા હતા

    વજન ઉતારવાની લાઈફસ્ટાઈલને લઈને તેણે જણાવ્યું કે તે પોતાનું જમવાનું જાતે જ તૈયાર કરતી હતી અને દરરોજ રનિંગ અને કસરત પણ કરતી હતી. હું જાડી હતી અને મારી ઉંમર કરતા વધુ ઘરડી લાગતી હતી. લોકો મને મોટી ઊંમરની માનવા લાગ્યા હતા કે જેના કારણે મને ખૂબ જ દુ:ખ પહોંચ્યું હતું. વજન ઉતારવા માટે મેં કોઈ જાદુ નથી કર્યો પણ ચોક્કસ લક્ષ્ય નક્કી કરી અને તે માટેની મહેનત કરીને મેં મારું વજન ઉતાર્યું છે.

  • વધુ ઈમેજ જુઓડાઉનલોડ