થોડા થોડા સમયે મોબાઇલ ચેન્જ કરવાની આદત હોય તો બદલાવી લેજો...
- 1/5
જ્યારે જ્યારે નવું મોડેલ આવે કે જૂના ફોન બદલાવતા લોકો ચેતે
માણસની સ્વાર્થી વૃત્તિના કારણે પ્રાણીઓ અને વનસ્પતિ જ નહીં પૃથ્વીના અનેક કેમિકલ અને ખનીજો પણ નાશપ્રાય સ્થિતિમાં પહોંચી ગયા છે. સ્માર્ટફોનની વધતી જતી દુનિયાના કારણે કેટલાક પૃથ્વીમાટે પણ ખૂબજ જરુરી એવા કેમિકલ એલિમેન્ટ હવે નાશપ્રાય લિસ્ટમાં સમાવેશ કરવામા આવ્યો છે. આ બાબતે વૈજ્ઞાનિકોએ ચેતવણી આપતતા કહ્યું છે કે ફોન બનાવવા માટે ઉપયોગમાં લેવામાં આવતા જરુરી ખનીજો અને રસાયણો હવે ખૂબ જ ઓછી માત્રામાં બચ્યા છે. જેના કારણે તેની સપ્લાઈ પણ ઘટી છે અને જે છે તે પણ દુનિયાના વિવાદિત યુદ્ધ ક્ષેત્રોમાં છે તેથી આ એલિમેન્ટ્સ મળવા મુશ્કેલ બની રહ્યા છે. અમારા ન્યૂઝ Whatsapp પર મેળવવા અહીં ક્લિક કરો
- 2/5
પોતાને અને પર્યવારણને થાય છે મોટું નુકસાન
જ્યારે મોબાઇલ ફોનનું રિસાઇકલિંગ પણ ખૂબ જ ઓછા પાયે થાય છે. મોટાભાગના ફોન ઇલેક્ટ્રોનિક વેસ્ટ તરીકે પૃથ્વી પર જમા થઈ રહ્યા છે જે પણ પર્યાવરણ માટે એક ખતરો બની રહ્યા છે. ત્યારે આ સમસ્યાના નિવારણ માટે વૈજ્ઞાનિકોનું કહેવું છે કે લોકોએ થોડા થોડા સમયે પોતાના ફોન બદલવાની આદતને બદલી નાખવી જોઈએ. સંશોધકોએ એક પીરિયોડિક ટેબલ બનાવ્યું છે જેમાં પૃથ્વીમાં મળી આવતા 90 એવા એલીમેન્ટ્સને હાઈલાઇટ કરવામાં આવ્યા છે જે ખૂબ જ ઓછા પ્રમાણમાં મળે છે અને તે કુદરતી રીતે જ બને છે. તેનું કૃત્રિમ ઉત્પાદન શક્ય નથી થઈ શક્યું. આમાંથી ઘણા એલિમેન્ટ્સ ટીવી અને ફોન જેવા ઇલેક્ટ્રોનિક્સ ગેજેટ બનાવવામાં ઉપયોગમાં લેવામાં આવે છે.
- 3/5
પીરિયોડિક ટેબલમાં પૃથ્વીના અનેક મૂળ એલિમેન્ટ નાશ થવાના આરે
આ સમગ્ર પ્રોજેક્ટને યુરોપીયન કેમિકલ સોસયટી દ્વારા તૈયાર કરવામાં આવ્યો છે. આ સોસાયટીમાં દુનિયાભરના જુદા જુદા 40 કેમિસ્ટ્રી અંગેના ઓર્ગેનાઇઝેશનના 160000 કેમિસ્ટો સભ્ય છે. આ સોસાયટી દ્વારા નવું પીરિયોડિક ટેબલ તેની 150મી એનિવર્સરીના ભાગ રુપે તૈયાર કરવામાં આવ્યું છે. સૌપ્રથમ 1869માં પીરિયોડિક ટેબલ બનાવાયું હતું. આ સોસયટીના અંદાજ મુજબ એકલા યુરોપીયન યુનિયનમાં જ દર મહિને 10 લાખ સ્માર્ટફોન બદલવામાં આવે છે. સ્માર્ટફોન બનાવવા માટે આપણે પ્રકૃત્તિમાંથી 30 જેટલા એલિમેન્ટનો ઉપયોગ કરીએ છીએ. જેમાં તાંબુ, સોનું, ચાંદી વાયરિંગ માટે જ્યારે લિથિયમ અને કોબ્લાટ બેટરીમાં ઉપયોગમાં લેવામાં આવે છે.
- 4/5
રિસાઇકલિંગ વધારવાની જરુર
જ્યારે મોબાઇલની સ્ક્રિન માટે ખૂબ જ દુર્લભ એવા યેતરિયમ, ટેરબિયમ અને ડાયસ્પ્રોસિયમનો ઉપયોગ થાય છે. યુનિવર્સિટી ઓફ સેન્ટ. એન્ડ્રુસના પ્રોફેસર ડેવિડ કોલ હેમિલ્ટને કહ્યું કે ‘આપણી સમગ્ર પૃથ્વી આ 90 એલિમેન્ટમાંથી બનેલી છે. જો ધ્યાન રાખવામાં નહીં આવે તો આગામી 100 વર્ષમાં આ તમામ એલિમેન્ટ સંપૂર્ણ રીતે નાશ પામી જશે.’ ઉલ્લેખનીય છે કે યુરોપીયન પાર્લિઆમેન્ટમાં મંગળવારે લેબર પાર્ટીના કેથરિન સ્ટિલરે આ પીરિયોડિક ટેબલને લોન્ચ કર્યું હતું. તેમણે ક્હયું કે, ‘આ સમય આવી ગયો છે કે આપણે પ્રકૃત્તિનું જતન કરતા શીખીએ. જેના માટે દુનિયાભરના દેશો અને સરકારોએ સાથે મળીને ગ્લોબલ રીસાઇકલિંગ રેટ્સ વધારોવ પડશે અને જેન્યુઇન સર્ક્યુલર ઈકોનોમીને પ્રોત્સાહન આપવું પડશે.’
- વધુ ઈમેજ જુઓડાઉનલોડ
- 5/5
ચીન બની રહ્યું છે ખરાબ પર્યાવરણનો ભોગ
ચીનમાં મોબાઇલથી લઇને અનેક ઇલેક્ટ્રોનિક્સ મેન્યુફેક્ચરિંગ માટે આડેધડ માઇનિંગ કરીને આ એલિમેન્ટ્સ કાઢવામાં આવે છે જેનું દુષ્પરિણામ પણ ચીનમાં ખરાબ પર્યાવરણ ઇમ્પેક્ટ તરીકે જોવા મળે છે. જ્યારે આફ્રિકાના કોંગો જેવા દેશમાં કોબ્લાટની ખાણ હ્યુમન રાઇટ્સના ઉલ્લંઘન માટે પણ જાણીતી છે. અહીં કામ કરતા મજૂરોને અનેક બીમારી થાય છે.
-