સાળંગપુરમાં સાદગીથી કરાઈ હનુમાન જયંતીની ઉજવણી, એક ક્લિકમાં કરો દર્શન

બોટાદના સાળંગપુર ખાતે આવેલા શ્રી કષ્ટભંજનદેવ હનુમાનજી મંદિરમાં આજે હનુમાન જયંતીની સાદગીપૂર્વક ઉજવણી કરવામાં આવી. હનુમાન જયંતી નિમિત્તે શ્રી કષ્ટભંજનદેવ હનુમાનજી મંદિરમાં વિશેષ શણગાર અને દિવ્ય આરતી કરવામાં આવી. આજે હનુમાનજીને વિશેષ અન્નકૂટ ધરાવવામાં આવ્યો અને સુવર્ણ વસ્ત્રો પહેરાવવામાં આવ્યા. મળતી માહિતી મુજબ, કોરોનાની આ મહામારીમાં સમગ્ર વિશ્વના કલ્યાણ તથા કોરોના મહામારીના નિવારણ અર્થે હનુમાન જયંતીના દિવસે અહીં મારૂતિ યજ્ઞ પણ કરવામાં આવ્યો. અને દેશ-વિદેશમાં રહેતા હનુમાનજીના ભક્તો હનુમાન જયંતીના દિવસે ઘરે બેઠા ઓનલાઈન દર્શનનો લાભ લઈ શકે તેવું આયોજન પણ કરાયું. (તસવીરો- સાળંગપુર હનુમાનજીનું ફેસબુક પેજ)