કોરોના મહામારી વચ્ચે સામે આવેલી તસવીરો જોઈને વિશ્વાસ નહીં થાય

કોરોના વાયરસના કેસમાં ઘટાડો નોંધાયા બાદ દિવાળીના તહેવાર ટાણે ફરી એકવાર ઉછાળો નોંધાઈ રહ્યો છે. દેશમાં કોરોનાના કુલ કેસનો આંકડો 85 લાખને પાર થઈ ગયો છે. 1.26 લાખ કરતા વધારે લોકોએ જીવ ગુમાવ્યો છે. આ અઠવાડિયામાં દિવાળીના તહેવારોની શરુઆત થઈ રહી છે ત્યારે બજારો અને રસ્તાઓ પર ભીડ વધી રહી છે. આવામાં હરવા-ફરવાના સ્થળો પર પણ ભીડ વધી રહી છે. કોરોના વાયરસ પર કાબૂ મેળવવા માટે રસીની શોધ ચાલુ છે પરંતુ તે શોધાય નહીં ત્યાં સુધી માસ્ક અને સોશિયલ ડિસ્ટન્સિંગ સૌથી અસરકારક માનવામાં આવે છે. જોકે, દેશના અમદાવાદ સહિતના મહત્વના શહેરોની તસવીરો સામે આવી છે જે દર્શાવી રહી છે કે ઘણાં લોકોને એવું લાગતું હશે કે કોરોના વાયરસની મહામારી સામે આપણી જીત થઈ ગઈ છે.

કોરોના વાયરસની મહામારી વચ્ચે અનલોક દરમિયાન છૂટછાટો આપવામાં આવી છે. આવામાં લાંબા સમયથી ઘરમાં પુરાઈ રહેલા લોકો દિવાળીની ખરીદી માટે બહાર નીકળી રહ્યા છે. જોકે, આ તસવીરમાં સોશિયલ ડિસ્ટન્સિંગ અને માસ્ક પહેરવાની બાબતો ભંગ થઈ રહ્યો છે. આ અમદાવાદમાં ભદ્રકાળી મંદિર પાસે ભરાતા કપડાના બજારની તસવીર છે.

નવી દિલ્હીમાં પણ દિવાળીની ખરીદી માટે લોકો ઘરની બહાર નીકળી રહ્યા છે. પરંતુ અહીં પણ સોશિયલ ડિસ્ટન્સિંગનો ભારે અભાવ દેખાઈ રહ્યો છે.

શહેરના બોરીવલ્લી માર્કેટમાં ખરીદી કરવા માટે ઉમટી પડેલા લોકોની ભારે ભીડ જોવા મળી રહી છે. આ તસવીરો જોતા જરાય એવું ના લાગે કે તે આ વર્ષની છે.

શહેરના ભદ્રકાળી મંદિર અને ત્રણ દરવાજા વચ્ચે ભરાતા માર્કેટમાં ભારે ભીડની સ્થિતિ. આ ભીડના કારણે કોરોના વધુ વકરી શકે છે.

દિવાળીની ખરીદી માટે ઉમટી પડેલા લોકોની ત્રણ દરવાજા પાસે જોવા મળેલી ભીડમાં સોશિયલ ડિસ્ટન્સિંગનો અભાવ જોવા મળ્યો અને ઘણાં માસ્ક વગર પણ ફરતા દેખાયા.

જુહુ બીચ પર લોકોની ભીડ જોવા મળી, અહીં પણ સોશિયલ ડિસ્ટન્સિંગ અને માસ્ક અભાવ જોવા મળ્યો.