જમ્મુ અને કાશ્મીરના બારામુલાના રહેવાસી અને સીઆરપીએફના આસિસ્ટન્ટ કમાન્ડન્ટ ગુલ જુનૈદ ખાન ફરી એકવાર પોતાના સારા કામને કારણે ચર્ચામાં આવ્યા છે. પોતાની આસાપાસ આંતકનો માહોલ હોવા છતાં દેશની સેવા માટે તત્પર રહેતા ગુલ જુનૈદ ખાન અને CRPFના કોન્સ્ટેબલ વિવેક એસ તિવારીએ જરુરિયાતમંદ વ્યક્તિને બ્લડ ડોનેશન કર્યું કર્યું છે. CRPFના જુનૈદ અને વિવેકે 20 વર્ષના કિડની ટ્રાન્સ્પાન્ટ માટે શેર-એ-કાશ્મીર હોસ્પિટલમાં દાખલ થયેલા યુવકને બ્લેડ ડોનેશન કર્યું છે. જુનૈદ ખાન અને વિવેક તિવારીએ કરેલા સેવાના કામની ભારે પ્રશંસા થઈ રહી છે. મહત્વનું છે કે આ પહેલા 2019માં અસાધારણ સેવા માટે પુરસ્કૃત કરવામાં આવ્યા હતા. કાશ્મીર વેલીમાં વિશેષ હેલ્પલાઈન ચલાવવા બદલ કમાન્ડન્ટ ગુલ જુનૈદ ખાનને સ્માર્ટ પોલીસિંગ પુરસ્કારથી નવાજવામાં આવ્યા હતા. આ હેલ્પલાઈન પર સ્વાસ્થ્યથી લઈને કેટલીક પ્રાથમિક સુવિધાઓ વિશે મદદની માગણીના જવાબમાં કાર્ય કરવા બદલ નવાજવામાં આવ્યા હતા. આજે પણ તેમણે બ્લડ ડોનેશન માટે કરેલા ઉત્કૃષ્ઠ કાર્યની ભારે પ્રશંસા થઈ રહી છે.