કોલકાતાના બિઝનેસમેનના ઘરેથી મળ્યા 17 કરોડ રોકડા, નોટોનો ઢગલો જોઈ ચકરાઈ જશો

EDએ કહ્યું કે, આમિર ખાનના પરિસરમાંથી અત્યાર સુધીમાં 17 કરોડ રૂપિયાથી વધુની રોકડ મળી આવી છે. રિકવર થયેલી રોકડની ગણતરી હજુ ચાલુ છે.

જણાવવામાં આવી રહ્યું છે કે 10 બોક્સમાં કરોડો રૂપિયા રાખવામાં આવ્યા હતા. પ્લાસ્ટિકની થેલીમાંથી બે હજાર અને પાંચસોની નોટો મળી આવી હતી.

નોટોની રિકવરી બાદ EDને આટલી રોકડની ગણતરી કરવી મુશ્કેલ લાગી તો નોટ ગણવાના મશીનો મંગાવવામાં આવ્યા. બાદમાં, આ પૈસા બોક્સમાં લઈ ગયા હતા.

નોટોના બોક્સ લઈ જવા માટે ટ્રક બોલાવવામાં આવી હતી અને ત્યારબાદ તમામ રોકડ આરબીઆઈમાં લઈ જવામાં આવી હતી.

કોલકાતા પોલીસે ફેબ્રુઆરી 2021માં કંપની અને તેના પ્રમોટરો સામે એફઆઈઆર નોંધી હતી અને તેના કારણે મની લોન્ડરિંગનો કેસ સામે આવ્યો હતો.

ઇડીએ કહ્યું કે કોલકાતાની કોર્ટમાં ફેડરલ બેંકના અધિકારીઓ દ્વારા દાખલ કરવામાં આવેલી ફરિયાદના આધારે પાર્ક સ્ટ્રીટ પોલીસ સ્ટેશનમાં FIR નોંધવામાં આવી હતી. પણ કોઈ કાર્યવાહી થઈ શકી નહીં.

તપાસ એજન્સીએ આરોપ લગાવ્યો છે કે નિસાર અહેમદ ખાનના પુત્ર આમિર ખાને ગેમિંગ એપ ઈ-નગેટ્સ શરૂ કરી છે, જે લોકોને છેતરવાના ઈરાદાથી ડિઝાઇન કરવામાં આવી છે.

એજન્સીએ કહ્યું કે શરૂઆતના તબક્કામાં યુઝર્સને કમિશન આપવામાં આવતું હતું અને વોલેટમાં રહેલી રકમ કોઈપણ સમસ્યા વિના ઉપાડી શકાતી હતી.