મોલ્સ કે મલ્ટિપ્લેક્સમાં ટોઈલેટના દરવાજા નીચેથી ખૂલ્લા કેમ હોય છે?

Edited byનવરંગ સેન | I am Gujarat 21 Jan 2020, 12:50 am

  • શું છે આવા દરવાજા પાછળનું કારણ?

    મોલ્સ કે પછી મલ્ટિપ્લેક્સમાં તમે ક્યારેય જો ટોઈલેટનો યૂઝ કર્યો હોય તો તમને એ પ્રશ્ન ચોક્કસ થયો હશે કે ટોઈલેટના દરવાજા નીચેથી ખૂલ્લા કેમ હોય છે? ક્યારેક તમને એવું પણ સૂઝ્યું હશે કે કોઈ આ દરવાજાની નીચેથી ડોકિયું કરે તો? આગળ ક્લિક કરો અને જાણો આ વિચિત્ર પ્રશ્નનો રસપ્રદ જવાબ.

  • જેથી લોકો ટોઈલેટમાં બીજું કોઈ કામ ન કરે

    ટોઈલેટમાં આમ તો બીજું કંઈ કરવા લાયક હોતું પણ નથી. પરંતુ પબ્લિકનું ભલું પૂછવું, ક્યારેક ક્યાંય જગ્યા ન મળે કે પછી કંઈક ‘તૂફાની’ કરવાનો મૂડ આવી જાય તો ટોઈલેટનો ઉપયોગ બીજા કોઈ કામમાં પણ થઈ શકે છે. આવા લોકો જાહેરમાં કંટ્રોલમાં રહે અને ટોઈલેટનો ‘મિસ’ યુઝ ન કરે તે પણ તેના દરવાજાની આ પ્રકારની ડિઝાઈન રાખવાનું કારણ છે.

  • કોઈક અંદર છે તેનો સરળતાથી ખ્યાલ આવી જાય છે

    દર વખતે ટોઈલેટ ખાલી છે કે કેમ તે માટે ધક્કો મારીને કે ટકોરા મારીને ચેક કરવું સારું નથી લાગતું. ઈમરજન્સી આવી હોય તો કેટલાક ઉત્સાહીઓ તો આવે વખતે દરવાજો જામ હશે તેમ વિચારી ધક્કો મારવામાં પણ વિચારતા નથી (કે વિચારવાની સ્થિતિ જ નથી હોતી?) આવા સંજોગોમાં ટોઈલેટનો દરવાજો જો નીચેથી ખૂલ્લો હોય તો તેની અંદર કોઈ છે કે કેમ તેની ખબર સરળતાથી પડી શકે છે.

  • કોઈ મદદનો હાથ લંબાવી શકે છે

    અરે ના..ના.. તમે વિચારો છો તેના માટે નહીં.. તે કામ તો તમારે જાતે જ કરવાનું છે. વિચાર કરો કે તમે ટોઈલેટમાં છો અને ટોઈલેટ પેપર ખલાસ થઈ ગયા છે તો? તેવામાં કોઈ સરળતાથી તમને તે લંબાવી શકે છે.

  • વધુ ઈમેજ જુઓડાઉનલોડ

  • મેડિકલ ઈમરજન્સીની ખબર પડી શકે છે

    ઈમેજીન કરો કે તમને ટોઈલેટમાં જ હાર્ટ અટેક કે પછી બીજી કોઈ ઈમરજન્સી સમસ્યા થાય અને તમે ફર્શ પર ફસડાઈ પડો તો? તેવામાં જો ટોઈલેટનું બારણું નીચેથી ખૂલ્લું હોય તો ગમે તે વ્યક્તિ તેની નોંધ લઈ શકે છે, અને તેના કારણે તમારો જીવ પણ બચી શકે છે.

  • જો ક્યારેક લોક જામ થઈ જાય તો

    જો આવું કંઈ થાય તો તમે ટોઈલેટ સીટ પર બેઠાબેઠા મદદ માટે બૂમ પાડવાનું તો પસંદ નહીં જ કરો. આવા વખતે જો તમારા ટોઈલેટના દરવાજાની ડિઝાઈન આ પ્રકારની હશે તો તમે સરળતાથી તેમાંથી બહાર આવી શકશો.

  • સફાઈમાં ઓછો સમય લાગે છે

    મસમોટા મોલ, મલ્ટિપ્લેક્સ કે પછી ઓફિસની સફાઈ કરવી નાનું કામ નથી. દરેક વસ્તુની સફાઈ કરવા ક્લિનર્સ પાસે ખાસ સમય નથી હોતો. ટોઈલેટના દરવાજા નાના રાખવાનું આ પણ એક કારણ છે, તેની સફાઈ ફટાફટ થઈ જાય છે.

  • કિંમતમાં સસ્તા પડે છે

    દેખીતી વાત છે કે, સાઈઝ અડધી હોવાના કારણે આ ટોઈલેટની કિંમત પણ અડધી થઈ જાય છે, અને મેઈન્ટેનન્સનો ખર્ચો પણ ઘટી જાય છે. વળી, તેને ઈન્સ્ટોલ કરવા પણ સરળ છે.