મહામંત્રથી પૂરી થશે મનોકામના
જો તમારી કોઈ મનોકામના ઘણાં દિવસથી પૂરી નથી થઈ રહી તો આ ગણેશ ચતુર્થીના તહેવાર પર તમે ગણપતિ દાદાના આ મંત્રનો જાપ કરો.
વક્રતુંડ મહાકાય સુર્યકોટી સમપ્રભ
નિર્વિઘ્નં કુરુમે દેવ સર્વ કાર્યેષુ સર્વદા
ગણપતિ દાદાને પ્રસન્ન કરવા અને તેઓની કૃપા મેળવવા માટે આ એકદમ સરળ અને સુંદર મંત્ર છે. ગણેશ ચતુર્થીના દિવસે આ મંત્રનો જાપ કરતા ભગવાન ગણેશજીને 108 વખત પીળા ફૂલ ચઢાવવાના રહેશે. આવું કરવાથી તમારા કાર્યક્ષેત્રે અને વેપાર વગેરેમાં જોવા મળતી અડચણો દૂર થશે.
દેવામાંથી મુક્તિ અપાવનારો મંત્ર
જો તમે કોઈ પ્રકારના દેવામાં ડૂબેલા છો અને તેમાંથી મુક્તિ મેળવવા માગો છો તો ગણેશ ચતુર્થીના દિવસે આ મંત્રનો જાપ કરવાની સાથે ગણપતિ દાદાની વિશેષ પૂજા કરવી જોઈએ. ગણપતિ દાદાનો આ મંત્ર ખૂબ જ પ્રભાવશાળી છે.
ॐ ગણેશ ઋણ છિન્ધિ વરણ્યં હું નમ: ફટ્
શુભ અને લાભ અપાવનારો મંત્ર
ગણેશ ચતુર્થીના દિવસે ગણપતિ બાપ્પાની કૃપા મેળવવા માટે તમે આ મંત્રનો જાપ કરી શકો છો. આ મંત્રની એક માળાનો જાપ કરવાથી તમને શુભ અને લાભ બંનેનો આશીર્વાદ મળશે.
ॐ એકદંતાય વિદ્મહે વક્રતુંડાય ધીમહિ તન્નો દંતિ: પ્રચોદયાત્