ધનતેરસ પર ખરીદી માટેના મુહૂર્તઃ જાણો ક્યારે શું ખરીદશો

I am Gujarat

જાણો, ધનતેરસ પર ક્યા મુહૂર્તમાં શું ખરીદશો

ધનતેરસને સામાન્ય રીતે કોઈ નવી વસ્તુ ખરીદવા માટે ઉત્તમ મુહૂર્ત ગણવામાં આવે છે. લોકો આ ઉત્તમ દિવસે વાહનથી લઈને ઘરેણા સુધીની વસ્તુઓ ખરીદે છે. જોકે મુહૂર્ત શાસ્ત્ર કહે છે કે દરેક કાર્ય અને ક્રિયા માટે એક વિશેષ સમય હોય છે. જો આ સમયે તે કામ કરવામાં આવે તો તેનાથી ખૂબ સફળતા મળે છે. આ વખતે ધનતેરસ મંગળવારે હોઇ માન્યતા મુજબ સોનું,ચાંદી અને વાહન ખરીદવા માટે ઉત્તમ છે.

અમૃત અને શુભ ચોઘડીયામાં જ આ વસ્તુ ખરીદો

જો ધનતેરસ પર તમે કોઈ વાહન ખરીદવા માગતા હોવ તો તેને અમૃત અથવા ચર ચોઘડીયામાં ખરીદો, ચાંદી ખરીદી રહ્યા હોવ તો તેને અમૃત ચોઘડીયામાં ખરીદો જ્યારે સોનાના ઘરેણા ખરીદી માટે અમૃત અને શુભ ચોઘડીયું ઉત્તમ ગણાય છે.

હીરાના ઘરેણા

હીરાના ઘરેણા ખરીદવા માટ શુભ અને ચર ચોઘડિયામાંથી કોઈ એકને પસંદ કરવું જોઈએ. સ્ટીલના વાસણ માટે શુભ ચોઘડીયું અને તાંબાના વાસણ માટે લાભ ચોઘડિયુ જ્યારે પિત્તળના વાસણ માટે શુભ અને અમૃત ચોઘડિયાનો ઉપયોગ કરવો જોઈએ.

ટીવી, ફ્રિજ ખરીદવાનો શુભ સમય

ઇલેક્ટ્રોનિક્સ આઇટમ માટે લાભ અને ચર ચોઘડીયું સારુ. સંપત્તિ સંબંધી વ્યવહાર માટે શુભ અથવા અમૃત ચોઘડિયું સારુ. ભૂલથી પણ રોગ અને ઉદ્વેગ ચોઘડિયામાં ધનતેરસને દિવસે ખરીદદારી કરવી જોઈએ નહીં.

વાહન ખરીદી માટે શુભ સમય

ધનતેરસના દિવસે સવારે 6-30થી 9-30 સુધી રોગ અને ઉદ્વેગ ચોઘડીયા છે. માટે આ સમયે ખરીદી કરવી જોઈએ નહીં. ખરીદી માટે 9-30થી 11 વાગ્યા સુધીનો સમય વાહન ખરીદી માટે ઉત્તમ છે. જ્યારે બપોરે 2 વાગ્યા બાદ લાભ અને અમૃત ચોઘડીયા હોવાથી લાભદાયી સમય રહેશે.

આ સમયે ખરીદો વાસણ

વાસણ ખરીદવા માટે બપોરે 3-30થી 5 વાગ્યા સુધીનો સમય અને રાતના 11થી 12-30ના ચોઘડીયા સ્ટીલ અને પિત્તળના વાસણ ખરીદવા માટે ઉત્તમ છે. જ્યારે ચાંદીની વસ્તુ ખરીદવા માટે દિવસે 12-30થી 2 વાગ્યા સુધી અને રાતના 12-30થી 2 વાગ્યા સુધી ઉત્તમ સમય છે.

ક્યા ચોઘડીયા શુભ અને ક્યા છે અશુભ જાણો

શુભ ચોઘડીયાઃ ચર, લાભ,અમૃત,શુભ અશુભ ચોઘડીયાઃ રોગ, ઉદ્વેગ,કાળ