એપશહેર

શનિવારે આ ઉપાય કરવાથી હંમેશા જળવાઈ રહેશે મા લક્ષ્મીની કૃપા, સુખ-શાંતિ વધશે

I am Gujarat 16 Nov 2019, 1:11 pm
દરેક વ્યક્તિની ઈચ્છા હોય છે કે ઘરમાં સુખ-શાંતિ જળવાઈ રહે. જીવનમાં પ્રગતિ થાય અને પરિવાર સંપન્ન હોય તેવું દરેક વ્યક્તિ ઈચ્છે છે. પંરતુ ક્યારેક નસીબ સાથ આપે છે ક્યારેક નથી આપતું. જ્યોતિષ શાસ્ત્ર અનુસાર શનિવારે આ ઉપાયો કરવાથી સમૃદ્ધિની સાથે સુખ-શાંતિ આવશે ઉપરાંત હંમેશા તમારા ઘર પર મા લક્ષ્મીની કૃપા રહેશે.
I am Gujarat saturday upay for wealth job and prosperity
શનિવારે આ ઉપાય કરવાથી હંમેશા જળવાઈ રહેશે મા લક્ષ્મીની કૃપા, સુખ-શાંતિ વધશે


હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

મા લક્ષ્મીનો કાયમ થશે વાસઘરમાં કાયમી સુખ-સમૃદ્ધિ રહે તેવું ઈચ્છતા હો તો શનિવારે લોખંડના વાસણમાં પાણી, ગોળ, તલ, ઘી અને દૂધ ભેળવીને પીપળાના વૃક્ષના મૂળમાં નાખો. માનવામાં આવે છે કે, આ ઉપાયથી મા લક્ષ્મી હંમેશા તમારા ઘરમાં વાસ કરે છે. ઓછામાં ઓછા 40 શનિવાર સુધી આ ઉપાય કરવો જોઈએ.

ગ્રહ દોષ શાંત કરવાશનિ, રાહુ કે કેતુની દશા ખરાબ ચાલતી હોય તો શનિવારે એક નાનો કાળો પથ્થર લાવો. તેને તલના તેલમાં ડૂબાડીને સાત વખત નજર વાળતા હો તેમ પોતાની ઉપર ફેરવો. આ પથ્થરને જ્વાળા ઉઠતી હોય તેવી આગમાં નાખી દો. ઠંડો થાય એટલે ઘરથી દૂર કોઈ સૂકાયેલા કૂવામાં ફેંકી આવો. આ ઉપાય કરવાથી ગ્રહ દોષ શાંત થઈ જાય છે તેવું કહેવાય છે.

સમૃદ્ધિ માટેનો ઉપાયઘરમાં સમૃદ્ધિ લાવવા માટે શનિવારના દિવસે ઉત્તર-પશ્ચિમ કોણમાં માટીના વાસણમાં ચાંદીના સિક્કા લાલ કપડામાં બાંધીને મૂકો. બાદમાં આ વાસણને ઘઉં અથવા ચોખાથી ભરી દો. આ ઉપાય કરવાથી ઘરમાં ધન ખૂટશે નહીં.

આ ઉપાયથી મળશે સફળતાકોઈ કાર્યની સિદ્ધિ માટે ઘરેથી નીકળતા પહેલા સાથે રોટલી લઈ લો. રસ્તામાં જ્યાં પણ કાગડો દેખાય ત્યાં તેને રોટલીના ટુકડા ખવડાવી દો. પછી ત્યાંથી નીકળી જાવ. આ ઉપાયથી સફળતા મળે છે.

દેવામાંથી રાહત મળશેદેવામાંથી મુક્તિ મેળવવા મંગળવાર અને શનિવારે શિવ મંદિરમાં જઈને શિવલિંગ પર મસૂરની દાળ ‘ओम ऋण मुक्तेश्वर महादेवाय नमः’મંત્ર બોલતા-બોલતા ચઢાવો. આમ કરવાથી દેવામાંથી મુક્તિ મળશે અને નકામા ખર્ચથી બચશો.

ભાગ્ય વૃદ્ધિ માટેનો ઉપાયશનિવારના દિવસે ભાગ્ય વૃદ્ધિ માટે પાણીમાં કપૂરના તેલના થોડા ટીંપા નાખીને સ્નાન કરો. આમ કરવાથી દિવસભર તાજગી અનુભવાશે અને ભાગ્ય જાગૃત થશે. સાથે જ પાણીમાં ચમેલીના તેલના થોડા ટીંપા ઉમેરશો તો રાહુ-કેતુ અને શનિનો દોષ નહીં નડે.

શનિના અશુભ પ્રભાવથી બચોશનિના અશુભ પ્રભાવથી બચવા માટે માંસહાર અને દારુનું સેવન ટાળવું જોઈએ. ઉપરાંત રોજ ‘ओम प्रां प्रीं प्रौं सः शनैश्चराय नमः’ આ શનિ મંત્રનો જાપ કરવો. આ ઉપાયથી આસપાસ સકારાત્મક વાતાવરણ રહેશે જેનાથી સમસ્યાઓનો ઉકેલ આવતો દેખાશે.

આર્થિક નુકસાનથી મુક્તિ મળશેઆર્થિક નુકસાન થતું હોય, ચોરીનો ડર હોય અથવા તો નોકરીમાં પરેશાની આવતી હોય તો શનિવારે ઘરથી મંદિર સુધી ખુલ્લા પગે જાવ. સાથે જ હનુમાન ચાલીસાનો પાઠ કરો. આનાથી પરેશાનીઓ ઓછી થશે. શનિવારે ભૂલથી પણ ના ખરીદતા આ વસ્તુઓ નહીં તો કોપાયમાન થશે શનિદેવ

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો