13 વર્ષ પહેલા ભારતને વર્લ્ડ ચેમ્પિયન બનાવ્યું, હવે લૉકડાઉનમાં કરી રહ્યો છે દેશની સેવા

ટી20 વર્લ્ડકપ 2007ની ફાઈનલ કયો ક્રિકેટપ્રેમી ભૂલી શકે. અહીં ભારતીય ટીમ કટ્ટર પ્રતિસ્પર્ધી પાકિસ્તાનને હરાવી વર્લ્ડ ચેમ્પિયન બની હતી. આ મેચની સૌથી યાદગાર બાબત છેલ્લી ઓવર હતી જે વખતે યુવા બોલર જોગિન્દર શર્માએ ફેંકી હતી. શ્વાસ થંભાવી દેનારી આ ઓવરમાં તેણે શાનદાર બોલિંગ કરી ભારતને ચેમ્પિયન બનાવ્યું હતું. ધોનીની યુવા ટીમે તે દિવસે એ કરી દેખાડ્યું જેની રાહ દરેક ભારતીય વર્ષોથી જોઈ રહ્યો હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:આ મેચના હીરો રહેલા જોગિન્દર શર્મા હવે ફરી એકવાર ચર્ચામાં આવ્યા છે. જોગિન્દર આજકાલ લૉકડાઉન દરમિયાન દેશની સેવા કરી રહ્યા છે. તે હરિયાણા પોલીસમાં ડીએસપી છે. કોરોનાને કારણે દેશમાં ચાલી રહેલા લૉકડાઉનમાં તે પોતાના વિસ્તારના લોકો ઘરમાં રહે અને તેમને કોઈ અગવડ ન પડે તેનું ધ્યાન રાખી રહ્યાં છે. ફરજ બજાવતી વખતેની તેમની તસવીર ખૂબ વાયરલ થઈ રહી છે અને ઈન્ટરનેશન ક્રિકેટ કાઉન્સિલે (ICC)એ પણ ફોટો શેર કરી જોગિન્દરની પ્રશંસા કરી છે.જણાવી દઈએ કે, 2007ના ટી20 વર્લ્ડકપની ફાઈનલની છેલ્લી ઓવરમાં પાકિસ્તાને 13 રન બનાવવાના હતા જેમાં જોગિન્દરે મિસબાહ-ઉલ-હકની મહત્વપૂર્ણ વિકેટ ઝડપી ભારતને રોમાંચક જીત અપાવી હતી. જોકે, આ શાનદાર પ્રદર્શન છતાં તેમનું ક્રિકેટ કરિયર વધારે લાંબુ ન ચાલ્યું. તે ભારત માટે ફક્ત 4 વન-ડે અને 4 ટી20 રમ્યા બાદ પોલીસમાં જોડાઈ ગયા.2007 T20 World Cup Hero Now Serving Coutry As A Police Officer In LockdownJoginder Sharma, 2007 T20 World Cup Final, Joginder Sharma Police, Haryana Police, ICC, Cricket News