ભુવીની બોલિંગમાં આ ઓસી બેટ્સમેનને પરસેવો છૂટી જતો, કહ્યું- શું કરવું કંઈ સમજાતું નહોતું

ઓસ્ટ્રેલિયાના લિમિટેડ ઓવર્સની ક્રિકેટ ટીમનો કેપ્ટન એરોન ફિન્ચ અન્ય ક્રિકેટર્સની જેમ કોરોના વાયરસની મહામારીના કારણે ઘરમાં જ સમય વિતાવી રહ્યો છે. આ દરમિયાન તેણે શુક્રવારે પોતાના ફેન્સ સાથે ટ્વીટર પર સવાલ-જવાબનું સેશન કર્યું હતું. જેમાં ફેન્સે તેને કેટલાક સવાલો પૂછ્યા હતા. આ દરમિયાન એક ટ્વિટર યુઝરે ભુવનેશ્વર કુમારની બોલિંગ પર ફિન્ચનું શું માનવું છે તેમ સવાલ પૂછ્યો હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:આ સવાલનો ફિન્ચે જે જવાબ આપ્યો તે સાંભળીને ફેન્સ પણ દંગ રહી ગયા. ફિન્ચે કહ્યું, મને કોઈ આઈડિયા નહોતો કે શું કરવું. મારે દૂર નહોતું જવું જોઈતું. તેના બીજા જ બોલ પર હું આઉટ થઈ ગયો.. તે ઓવરનો છેલ્લો બોલ હતો. ફિન્ચે ટ્વીટના અંતમાં એન્ગ્રીવાળું ઈમોજી પણ મૂક્યું હતું.પાછલા વર્ષે જાન્યુઆરીમાં ઓસ્ટ્રેલિયાની ટીમ ભારતના પ્રવાસે આવી હતી. તે દરમિયાન વન-ડે સીરિઝની ત્રીજી અને અંતિમ મેચમાં ભુવીએ એરોન ફિન્ચને આઉટ કર્યો હતો. ભુવનેશ્વરે પોતાની બોલિંગથી સમગ્ર સીરિઝ દરમિયાન અરોન ફિન્ચને પરેશાન કર્યો હતો.ક્રિકેટ ઓસ્ટ્રેલિયાએ ભુવનેશ્વર કુમારની બોલિંગના બંને વિડીયો ટ્વીટ કર્યા હતા. જેમાં પહેલા વિડીયોમાં ભુવીએ કરેલો બોલ અમ્પાયર ડેડ બોલ આપે છે, જ્યારે બીજા જ બોલ પર તે ફિન્ચને એલબીડબલ્યૂ આઉટ કરી દે છે. ભારતે આ સીરિઝમાં 3-0થી ક્લિન સ્વીપ કરી હતી.