પત્નીના આરોપો પર શમીની સફાઈ, કહ્યું- આ બધું મને બદનામ કરવા કરાયું છે

I am Gujarat

શમીએ આરોપોને ફગાવ્યા

નવી દિલ્હીઃ સોશિયલ મીડિયા પર પત્ની દ્વારા લગ્નેત્તર સંબંધોના કથિત આરોપોમાં ઘેરાયા પછી ટીમ ઈન્ડિયાના ફાસ્ટ બોલર મોહમ્મદ શમીએ પોતાની સફાઈ આપી છે.

પત્નીએ કર્યો હતો આરોપોનો વરસાદ

શમીએ માઈક્રોબ્લોગિંગ વેબસાઈટ ટ્વિટર અને ફેસબૂક પોતાના પર લગાવેલા આરોપોને બકવાસ ગણાવીને તેનું ખંડન કર્યું છે. આ પહેલા શમીની પત્નીના નામવાળા હસીન જહાંના ફેસબૂક અકાઉન્ટ પર આરોપોનો વરસાદ કરાયો હતો, અને કેટલાક સ્ક્રીન શોટ્સ પણ શેર કરાયા હતા. આ પછી હસીનાએ એક ન્યૂઝ ચેનલ પર પણ પોતાના આરોપોની વાત કરી હતી.વાંચોઃ ક્રિકેટર શમી પર પત્નીએ મૂક્યો મારઝૂડ અને લગ્નેત્તર સંબંધોનો આરોપ

સોશિયલ મીડિયા પર સ્પષ્ટતા

મીડિયામાં આ મામલો સામે આવ્યા પછી, શમીએ ટ્વિટર અને ફેસબૂક પર પોતાની સફાઈમાં લખ્યું, “હાય, હું મોહમ્મદ શમી છું. આ અમારા અંગત જીવન વિશે જેટલી પણ વાતો ચાલી રહી છે, તે એકદમ ખોટી છે. અ અમારી વિરુદ્ધમાં મોટું ષડ્યુંત્ર રચાઈ રહ્યું છે, જે કોઈ પણ આમ કરી રહ્યું છે તેનો ઈરાદો મને બદનામ કરવાનો છે.”

શમીએ કરી સ્પષ્ટતા

જણાવી દઈએ કે શમીની પત્નીએ ફેસબૂક અકાઉન્ટથી મોહમ્મદ શમીના એક્સ્ટ્રા મેરિટલ અફેર્સ હોવાનો ગંભીર આરોપ લગાવ્યો હતો. આ સાથે શમીની અલગ-અલગ સ્ત્રીઓ સાથેની વાતચીતને શેર કરીને કથિત રીતે તેને શમીની ગર્લફ્રેન્ડ ગણાવી હતી.

લગ્નેત્તર સંબંધોનો પત્નીનો આરોપ

આરોપોને ફગાવ્યા

જ્યારે શમી પોતાના પર લગાવાયેલા આરોપોથી ઘેરાયા પછી સોશિયલ મીડિયા દ્વારા પોતાની સફાઈ આપી રજૂ કરી છે. આ અગાઉ એ વાતો ચર્ચાઈ રહી હતી કે શમી પર આટલા ગંભીર આરોપો લાગી રહ્યા છે તો તેનું ખંડન શા માટે શમી દ્વારા નથી કરાતું.

આ સ્પષ્ટતા નથી કરાઈ

શમી પર તેની પત્ની દ્વારા લગાવાયેલા આરોપો પછી તેને તેની પત્નીનું અકાઉન્ટ હેક થયાની કે ફેક અકાઉન્ટ હોવાની પણ કોઈ વાત પોતાની સોશિયલ મીડિયા પર કરેલી સ્પષ્ટતામાં નથી કરી.