ધૂમ મચાવી રહ્યો છે શિખર ધવનની પત્નીનો આ વીડિયો, તમે જોયો?

I am Gujarat

વાયરલ થયો આયેશાનો વીડિયો

ભારતીય ક્રિકેટ ટીમના ગબ્બર શિખર ધવનની પત્ની આયેશા ધવન સર્જરી થયા બાદ હવે સંપૂર્ણ રીતે ફિટ થઈ ચૂકી છે. આ વાત પોતે આયેશાએ ઈન્સ્ટાગ્રામ પર એક વીડિયો પોસ્ટ કરીને કહી છે. તેણે જિમમાં વર્કઆઉટ કરતો એક વીડિયો પોસ્ટ કરીને કહ્યું કે, ‘મેજર સર્જરીના 6 સપ્તાહ બાદ હવે હું સંપૂર્ણ રીતે ફિટ થઈ ચૂકી છે. હવે ફરીથી હું તે કામ કરી શકું છું જે મને પસંદ છે. ડેડ લિફ્ટિંગ. ક્યારેય બહાના ન બનાવો, કોઈને કોઈ રસ્તો શોધો.’ આયેશા પોતાના આ વીડિયોમાં ખૂબ જ ફિટ દેખાઈ રહી છે અને તેના આ મેસેજ બાદ તેના ફેન્સ ખૂબ ખુશ છે. ફેન્સ તેને સુપર વુમન અને વન્ડર વુમન કહેવા લાગ્યા છે.

હેઝલે પણ કરી આયેશાની પ્રશંસા

આ વીડિયો જોઈને ક્રિકેટર યુવરાજ સિંહની પત્ની હેઝલે પણ આયેશાની ખૂબ પ્રશંસા કરી છે. તેણે કોમેન્ટ કરતા કહ્યું, ‘દોસ્ત તુ કમાલ છે.’ આયેશાનો આ વીડિયો સોશિયલ મીડિયા પર ખૂબ જ વાયરલ પણ થઈ રહ્યો છે. ઉલ્લેખનીય છે કે, થોડા સમય પહેલા જ આયેશાની સર્જરી કરવામાં આવી હતી. તેની સાથે રહેવા માટે શિખર ધવને ઓસ્ટ્રેલિયા સામેની વન-ડે સીરીઝ રમી નહોતી.

સર્જરી સમયે શિખર રહ્યો પત્નીની સાથે

શિખરે તે સમયે આયેશા સાથેની તસવીર ટ્વીટ કરતા લખ્યું કે, અત્યારે મારે મારી પત્ની સાથે રહેવું જરૂરી છે. બાદમાં તેણે ફરી એક તસવીર પોસ્ટ કરીને જણાવ્યું હતું કે, તેની પત્નીને સર્જરીની જરૂર છે. ત્યારબાદ લોકોએ શિખરની પત્ની જલ્દી સ્વસ્થ થઈ જાય તે માટે દુઆઓ માંગી હતી.

જુઓ ડેડ લિફ્ટિંગ કરી આયેશાને