સાઉથ આફ્રિકા સીરિઝમાં કોહલી-પૂજારા નહીં આ છે હુકમનો એક્કો

I am Gujarat

ભુવી કહ્યું, ‘રેડ કૂકાબુરાથી બોલિંગ પડકારજનક રહેશે’

ભારતીય ફાસ્ટ બોલર ભુવનેશ્વર કુમારનું માનવું છે કે, દક્ષિણ આફ્રિકા સામેની ત્રણ મેચોની સીરીઝમાં વધારાનો ઉછાળ મળવો સારી બાબત છે પણ લાલ કૂકાબૂરા બોલથી બોલિંગ કરવી પડકારજનક હશે. પહેલા દિવસે 2 શિફ્ટમાં શરૂઆતી પ્રેક્ટિસ સેશન બાદ ભારતીય ટીમે રવિવારે વેસ્ટર્ન પ્રોવિન્સ ક્રિકેટ ક્લબમાં હવા અને ભેજને કારણે ઈન્ડોર પ્રેક્ટિસ કરી.

લાંબા સ્પેલ પર કરીએ છીએ ફોકસ

ભારતીય ફાસ્ટ બોલર્સનું ધ્યાન અત્યારે લાંબા સ્પેલ પર કેન્દ્રિત છે, કારણ કે પાંચ જાન્યુઆરીથી ન્યૂલેન્ડ્સમાં શરૂ થનારી પ્રથમ ટેસ્ટ બાદ તેમને આખી સીરીઝમાં લાંબા સ્પેલમાં બોલિંગ કરવી પડશે. ભુવનેશ્વરે કહ્યું કે, જ્યારે તમે સાઉથ આફ્રિકાનો પ્રવાસ કરતા હોય તો તમારા દિમાદ સૌથી પહેલી બાબત એ આવે છે કે ઉછાળ ભરી પિચો. તેમ છતા એ નક્કી નથી હોતું કે, તમને મેચમાં કેવા પ્રકારની પીચ મળશે. જ્યાં બોલર્સને વધારે ઉછાળભરી પીચો પર અનુકૂળતા મેળવવામાં મુશ્કેલી પડે છે ત્યાં બોલર્સ કૂકાબૂરા બોલથી બોલિંગ કરવામાં સામજસ્ય બેસાડવું પડશે.

વધારે ઉછાળ બોલિંગ-બેટિંગ બંને માટે મહત્વનો

ભુવનેશ્વરે કહ્યું કે, જ્યારે બેટ્સમેનોની વાત આવે છે ત્યારે ઉછાળથી પાર પડવું ખૂબ મહત્વનું છે, પણ બોલર્સ માટે પણ તે મહત્વપૂર્ણ હોય છે. કૂકાબૂરાથી બોલિંગ કરવું સૌથી અઘરું હોય છે. 25-30 ઓવર બાદ તે વધારે કંઈ નથી કરતી એટલે અમે તે પ્રકારના આક્રમણની તૈયારી કરી રહ્યાં છીએ. ભુવનેશ્વરે કહ્યું કે, હજુ અમે ફાસ્ટ બોલિંગથી રણનીતિ બનાવવાનું શરૂ કર્યું નથી અને અમારું ધ્યાન લાંબા સ્પેલની બોલિંગ કરવા પર જ ટકેલું છે.