પોતાના સમયમાં દુનિયાના સૌથી બેસ્ટ બોલર્સમાંથી એક રહેલા, મુંબઈ ઈન્ડિયન્સના બોલિંગ કોચ શેન બોન્ડે જસપ્રીત બુમરાહને લીમિટેડ ઓવરોમાં ક્રિકેટનો વર્લ્ડ નંબર વન બોલર બતાવ્યો છે. ઈન્ડિયન પ્રીમિયર લીગના પહેલા મુકાબલામાં ચેન્નઈ સુપર કિંગ્સ સાથે મેચ પહેલા વાનખેડે સ્ટેડિયમમાં બોન્ડે આ ટિપ્પણી કરી. બોન્ડે કહ્યું કે, જસપ્રીત મેચના નાના ફોર્મેટમાં નંબર 1 બોલર છે. જો તમે વર્લ્ડ ક્રિકેટમાં લીમિટેડ ઓવરોમાં ક્રિકેટ વિશે કોઈની પણ સાથે વાત કરો, તો તેઓ આ ખેલાડી (બુમરાહ)ને ટોપ ત્રણમાં રાખે છે.
જસપ્રીતથી સારો બોલર કોઈ નથી
બોન્ડે કહ્યું કે, દરેક ટીમ એક એવા વ્યક્તિને શોધી રહી છે જે ખાસ રીતે ઈનિંગના અંતમાં પોતાનું કામ કરી જાય અને આ માટે જસપ્રીતથી સારો બોલર નથી. ટેસ્ટ ક્રિકેટમાં તેની શરૂઆત પણ સારી રહી છે. આ ત્રણ વર્ષો દરમિયાન દરેકે તેને બધા ફોર્મેટ્સમાં સારો ઓલ-રાઉન્ડ બોલર બનતા જોયો છે.
શનિવારથી IPL 11ની શરૂઆત
ચેન્નઈ સુપર કિંગ્સ અને મુંબઈ ઈન્ડિયન્સ, આઈપીએલની બે દમદાર ટીમો 11મી સિઝનના પહેલા મેચમાં શનિવારે વાનખેડે સ્ટેડિયમમાં રમી હતી. મુંબઈ ત્રણવાર IPLનું ટાઈટલ જીતી ચુકી છે. ચેન્નઈ બે વખત ટાઈટલ જીતી ચુકી છે.
બે વર્ષ બાદ ચેન્નઈની ટીમ પાછી આવી
મુંબઈએ પાછલી સિઝનના ઘણા ખેલાડીઓને પોતાની સાથે રાખ્યા છે. આવું જ કઈ ચેન્નઈની ટીમે કર્યું છે. તેણે પણ 2015ની પોતાની ટીમના ઘણા મહત્વના ખેલાડીઓને પોતાની પાસે રાખ્યા છે. જોકે મુંબઈના ખેલાડીઓ ટીમથી અલગ નથી થયા, જ્યારે ચેન્નઈની ટીમ બે વર્ષ માટે અલગ થઈ ગઈ હતી.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.