એપશહેર

એડિલેડ ટેસ્ટ પછી પેટરનિટી લીવ લઈ ઘરે પરત ફરશે કોહલી, રોહિત શર્માનું કમબેક

જાન્યુઆરીમાં પિતા બનવાનો છે તો અનુષ્કા સાથે પસાર કરશે ક્વોલિટી ટાઈમ, ટેસ્ટ સ્ક્વોડમાં 'હિટમેન'ની એન્ટ્રી

I am Gujarat 9 Nov 2020, 5:44 pm
નવી દિલ્હીઃ ભારતીય ક્રિકેટ ટીમના કેપ્ટન વિરાટ કોહલી ઓસ્ટ્રેલિયા સામેની ટેસ્ટ શ્રેણીની પ્રથમ મેચ રમ્યા પછી ભારત પરત ફરશે. વિરાટે પહેલા જ આ અંગેની જાણકારી બીસીસીઆઈને કરી હતી. બોર્ડની મીટિંગમાં જણાવવામાં આવ્યું હતું કે રોહિત શર્માનું ટેસ્ટ ટીમમાં કમબેક થયું છે. વિરાટ જાન્યુઆરીમાં પિતા બનવાનો છે અને તેથી જ તે બાકીની ત્રણ ટેસ્ટ નહીં રમે.
I am Gujarat after first test india skipper virat kohli to take paternity leave
એડિલેડ ટેસ્ટ પછી પેટરનિટી લીવ લઈ ઘરે પરત ફરશે કોહલી, રોહિત શર્માનું કમબેક


વન ડે સીરિઝ પછી ચાર ટેસ્ટ
27 નવેમ્બરથી ભારતીય ટીમનો ઓસ્ટ્રેલિયા પ્રવાસ શરૂ થઈ રહ્યો છે. ટીમ પ્રથમ ત્રણ વનડે મેચ રમશે અને ત્યારબાદ ત્રણ ટી-20 મેચની સીરિઝ રમશે. વન ડે સીરિઝ પછી ચાર ટેસ્ટ મેચ રમવામાં આવશે. આ લાંબી ટૂરમાં ભારતીય ટીમ સામે અનેક સવાલો પણ ઉભા છે. રવિવારે સીનિયર ટીમની સિલેક્શન કમિટીની બેઠક થઈ અને બોર્ડની મેડિકલ ટીમના રિપોર્ટ પછી કેટલાક રિપ્લેસમેન્ટની પસંદગી પણ કરવામાં આવી.

અનુષ્કા સાથે સમય પસાર કરશે વિરાટ
26 ઓક્ટોબરના રોજ યોજાયેલી બીસીસીઆઈ સિલેક્શન કમિટીની બેઠકમાં વિરાટ કોહલીએ જણાવ્યું હતું કે એડિલેડમાં યોજાનારી પ્રથમ ટેસ્ટ મેચ બાદ તે ભારત પરત આવશે. જાન્યુઆરીમાં વિરાટ પિતા બનવા જઇ રહ્યો છે અને જીવનના આ યાદગાર પ્રસંગમાં તે પત્ની અનુષ્કા શર્મા સાથે રહેવા માંગે છે. પ્રથમ ટેસ્ટ 17 ડિસેમ્બરથી એડિલેડમાં રમાશે. ડે ડે-નાઇટ ટેસ્ટ મેચ હશે.

ટેસ્ટ ટીમ માટે થયો રોહિતનો સમાવેશ
બોર્ડે સોમવારે એક પ્રેસ કોન્ફરન્સ કરીને આ અંગે માહિતી આપી હતી. રોહિત શર્માને ટેસ્ટ ટીમમાં સામેલ કરવામાં આવ્યો છે. પહેલા રોહિત શર્માની પસંદગી ઓસ્ટ્રેલિયા ટૂર માટે કરવામાં આવી નહોતી જે પછીથી ઘણો વિવાદ થયો હતો. બીસીસીઆઈની મેડિકલ ટીમ રોહિત શર્માની ફિટનેસ પર નજર રાખી રહી છે અને સિલેક્શન કમિટીને આ અંગે જાણ પણ કરવામાં આવી છે. શર્મા અંગે કમિટીએ એવી સલાહ આપી કે તેને ઓસ્ટ્રેલિયા ટૂર દરમિયાન વનડે અને ટી-20 આંતરરાષ્ટ્રીય મેચોમાં આરામ આપવાનો નિર્ણય કરવામાં આવ્યો છે જેથી તે ટેસ્ટ સીરિઝ માટે ફિટ થઈ શકે. જેમાં તેનો સમાવેશ ટીમમાં કરવામાં આવ્યો છે.

ટેસ્ટ ટીમઃ
વિરાટ કોહલી (કેપ્ટન), રોહિત શર્મા, મયંક અગ્રવાલ, પૃથ્વી શૉ, કેએલ રાહુલ, ચેતેશ્વર પુજારા, અજિંક્ય રહાણે (વાઈસ-કેપ્ટન), હનુમા વિહારી, શુભમન ગિલ, રિદ્ધિમાન સાહા (વિકેટકીપર), ઋષભ પંત (વિકેટકીપર), જસપ્રીત બુમરાહ, મોહમ્મદ શમી , ઉમેશ યાદવ, નવદીપ સૈની, કુલદીપ યાદવ, રવિન્દ્ર જાડેજા, આર. અશ્વિન, મોહમ્મદ સિરાજ

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો