INDvAUS બીજી વન-ડે: કાંગારૂ ટીમે ભારતને આપ્યો 390 રનનો ટાર્ગેટ, સ્ટીવ સ્મિથની સદી

પહેલી વનડેમાં ઓસ્ટ્રેલિયા સામે હારનો સામનો કર્યા બાદ આજે બીજી વનડે રમાઈ રહી છે. સિડની ક્રિકેટ ગ્રાઉન્ડમાં રમાઈ રહેલી બીજી વનડે મેચમાં ઓસ્ટ્રેલિયાની ટીમે ટોસ જીતીને પહેલા બેટિંગ કરતા નિર્ધારિત 50 ઓવરમાં 4 વિકેટના નુકસાન પર 389 રનનો તોતિંગ સ્કોર ઊભો કર્યો છે. જેમાં સ્ટીવ સ્મિથે પોતાનું શાનદાર ફોર્મ ચાલુ રાખતા સીરિઝની સતત બીજી મેચમાં સદી ફટકારી હતી. જ્યારે 4 બેટ્સમેનોએ અડધી સદી ફટકારી હતી.

સિડનીમાં બીજી વન-ડે મેચ દરમિયાન પણ ભારતીય બોલર્સ ઓસી. બેટ્સમેનો સામે લાચાર જોવા મળ્યા હતા. પહેલી ઈનિંગ્સમાં ઓસ્ટ્રેલિયન ટીમે મજબૂત શરૂઆત કરતા પહેલી વિકેટ માટે 142 રનની પાર્ટનરશીપ કરી હતી. જેમાં ડેવિડ વોર્નરે 83 રન તથા એરોન ફિંચે 60 રનની ઈનિંગ્સ રમી હતી. જ્યારે સ્ટીવ સ્મિથે 104 રન બનાવ્યા હતા. આ જ્યરે અંતમાં માર્નસ લબુચાને અને ગ્લેન મેક્સવેલે પણ અનુક્રમે 70 અને 63 રનની ઈનિંગ્સ રમી હતી. તેમની આ તાબડતોબ ઈનિંગ્સની મદદથી ઓસી ટીમે 50 ઓવરમાં 389 રન સુધી પહોંચી હતી.

ભારતીય બોલર્સ સમગ્ર પહેલી ઈનિંગ્સ દરમિયાન કાંગારૂ બેટ્સમેનો સામે લાચાર દેખાયા હતા. ભારત તરફથી માત્ર બુમરાહ, શમી અને હાર્દિક પંડ્યા 1-1-1 વિકેટ લઈ શક્યા હતા. જ્યારે ડેવિડ વોર્નરને શ્રેયસ અય્યરેે રનઆઉટ કર્યો હતો. જ્યારે બંને સ્પિનર્સ યજુર્વેન્દ્ર ચહલ અને રવિન્દ્ર જાડેજા એક પણ વિકેટ લઈ શક્યા નહોતા. ભારત માટે એક સારી બાબત એ કહી શકાય કે હાર્દિક પંડ્યા ફરી બોલિંગ કરી રહ્યો છે. એવામાં આગામી સમયમાં તેની બોલિંગ ટીમને મજબૂતી આપી શકે છે.

સિડનીમાં ઓસ્ટ્રેલિયાનો દબદબોઆજે બીજી મેચ એ જ મેદાનમાં છે જ્યાં ભારતે 18 મેચમાંથી માત્ર 2 પર જીત મેળવી છે. એવામાં સીરિઝમાં પોતાને યથાવત રાખવા માટે ભારતે સીડનીમાં હારનો સિલસિલો તોડવો પડશે.