INDvENG: ચેન્નઈ ટેસ્ટમાં ઈંગ્લેન્ડના 2 વિકેટે 70 રન, બુમરાહ-અશ્વિનની 1-1 વિકેટ

ચેન્નઈના ચેપોકે સ્ટેડિયમમાં આજથી ઈંગ્લેન્ડ અને ભારત વચ્ચે 4 ટેસ્ટની સીરિઝ શરૂ થઈ રહી છે. જેમાં પહેલી ટેસ્ટમાં ઈંગ્લેન્ડની ટીમે ટોસ જીતીને પ્રથમ બેટિંગનો નિર્ણય કર્યો હતો. પહેલા બેટિંગ કરતા મહેમાન ટીમે 30 ઓવરના અંતે 70 રન બનાવીને બે ગુમાવી છે. જેમાં ઓપનર રોરી બર્ન્સ 33 રન બનાવીને અશ્વિનનો શિકાર બન્યો હતો. જ્યારે ડેનિયલ લોરેન્સને 0 રને બુમરાહે LBW આઉટ કર્યો હતો.

આ મેચ ઈંગ્લેન્ડના કેપ્ટન જો રૂટની 100મી ટેસ્ટ મેચ છે તો ભારતીય ટીમ માટે વર્લ્ડ ટેસ્ટ ચેમ્પિયનશીપની ફાઈનલમાં પહોંચવા માટે જીતવું જરૂરી છે. કોરોના વાયરસના કારણે લગભગ 11 મહિનાઓ બાદ ભારતમાં કોઈ ઈન્ટરનેશનલ મેચનું આયોજન થઈ રહ્યું છે.

બંને ટીમો ફોર્મમાં
ભારતે આ પહેલા ઓસ્ટ્રેલિયામાં ચમત્કારિક પ્રદર્શન કરીને સીરિઝ 2-1થી જીતી હતી જ્યારે ઈંગ્લેન્ડે શ્રીલંકામાં 2-0થી ક્લીન સ્વીપ કર્યું હતું. આથી આ સીરિઝનો મુકાબલો રોમાંચક થવાની સંભાવના છે. ભારતનો સામનો જોકે તે ઈંગ્લેન્ડની ટીમ સાથે છે જે છેલ્લા 15 વર્ષોમાં ભારતમાં ટેસ્ટ સીરિઝ (2012) જીતનારી એકમાત્ર ટીમ છે.

ભારતીય ટીમ
વિરાટ કોહલી (કેપ્ટન), અજિંક્ય રહાણે (વાઈસ કેપ્ટન), રોહિત શર્મા, શુભમન ગિલ, ચેતેશ્વર પુજારા, રિષભ પંત (કીપર), રવિચંદ્રન અશ્વિન, જસપ્રીત બુમરાહ, ઈશાંત શર્મા, વોશિંગ્ટન સુંદર, શાદાબ નદીમ.

ઈંગ્લેન્ડની ટીમરોય બર્ન્સ, ડોમિનિક સિબ્લે, ડેનિયલ લોરેન્સ, જો રૂટ (કેપ્ટન), બેન સ્ટોક્સ, ઓલિ પોપ, જોસ બટલર (કીપર), ડોમિનિક બેસ, જોફ્રા આર્ચર, જેક લીચ, જેમ્સ એન્ડરસન