India Vs England Test: રિષભ પંતની ના પર અશ્વિનની જીદ, કોહલીએ બધા રિવ્યૂ ગૂમાવ્યા

ચેન્નાઈ: ઇંગ્લેન્ડ વિરુદ્ધ (India vs England Chennai Test) ચેન્નઈમાં 4 મેચની શ્રેણીની પ્રથમ ટેસ્ટ મેચના બીજા દિવસે ભારતીય બોલરો વિકેટ માટે તરસતા રહી ગયા. મહેમાન ટીમના કેપ્ટન જો રૂટ (Joe Root)ની ડબલ સદીએ ભારતીય ટીમને દબાણમાં લાવી દીધી છે. બીજા દિવસે પણ વિકેટ માટે ભારતે ભારે જહેમત ઉઠાવી હતી.

અશ્વિને જીદ કરી, રિવ્યુ લોસ્ટ
બીજા દિવસે 108મી ઓવરના ચોથા બોલ પર રવિચંદ્રન અશ્વિન (Ravichandran Ashwin)એ બેન સ્ટોક્સ (Ben Stokes)સામે એલબીડબલ્યુની અપીલ કરી હતી. આ બોલ પર સ્કોક્સે રિવર્સ સ્વીપનો પ્રયાસ કર્યો હતો પરંતુ નિષ્ફળ થયા. બોલ તેમના ગ્લોવ્ઝથી ટકરાઈ હતી. રિષભ પંતને રિવ્યૂના તરફેણમાં નહોતા, પરંતુ આર અશ્વિને જીદ કરતા વિરાટ કોહલીએ રિવ્યૂ લીધો હતો અને ટીમ ઈન્ડિયાએ તેને ગૂમાવી દીધો.

ટીમ ઈન્ડિયાએ બે ઓવરમાં બે રિવ્યૂ ગૂમાવ્યા
ઇંગ્લેન્ડની ઇનિંગની 109મી ઓવરમાં શાહબાઝ નદીમના બીજા બોલ પર જો રુટ કોઈ રન બનાવ્યો નહી. બોલ બેટની અંદરના ભાગે લાગતા પેડ પર અથડાઈ. આમાં પણ અપીલ કરતા ભારતીય ટીમે ફરીથી રિવ્યૂ ગૂમાવ્યો હતો.

ત્રીજા સેશન પહેલા બધા રિવ્યૂ ગૂમાવી દીધા
ત્યારબાગ 139માં ઓવરમાં અશ્વિનની બોલ પર ઓલી પોપે કોઈ રન નહોતો બનાવ્યો. કોહલી રિવ્યૂના પક્ષમાં નહોતા, પરંતુ તેમણે નજીકના ફીલ્ડર્સ સાતે વાતચીત કરીને ડીઆરએસ લેવાનો નિર્ણય કર્યો હતો. પોપે બોલ સ્વીપ કરવાનો પ્રયાસ કર્યો પણ તે અસફળ રહ્યો. અશ્વિનને પોપના આઉટ થવા પર સંપૂર્ણ વિશ્વાસ હતો પરંતુ તે ખોટું સાબિત થયું. આમ ભારતે ત્રીજા સેશન પહેલા તેના ત્રણેય રિવ્યૂ ગૂમાવી દીધા.