અમદાવાદના નરેન્દ્ર મોદી સ્ટેડિયમમાં ઈંગ્લેન્ડની ટીમ વધુ એક વખત અક્ષર પટેલની સ્પિન બોલિંગ સામે લાચાર જોવા મળી હતી. ગુરૂવારથી શરૂ થયેલી ચોથી અને અંતિમ ટેસ્ટ ક્રિકેટ મેચમાં ઈંગ્લેન્ડે ટોસ જીતીને પ્રથમ બેટિંગ કરવાનો નિર્ણય કર્યો હતો. પરંતુ અક્ષર સહિત ભારતીય બોલર્સે કરેલી શાનદાર બોલિંગ સામે પ્રવાસી બેટ્સમેનોને રમવામાં મુશ્કેલી નડી હતી. ઈંગ્લેન્ડ પ્રથમ દિવસે જ 205 રનમાં આઉટ થઈ ગયું હતું. જેમાં અક્ષર અને અશ્વિને તરખાટ મચાવ્યો હતો. અક્ષરે 4 વિકેટ ઝડપી હતી જ્યારે અશ્વિનને 3 સફળતા મળી હતી. ઈંગ્લેન્ડના પ્રથમ દાવમાં 205 રનના જવાબમાં પ્રથમ દાવમાં ભારતની શરૂઆત પણ ખરાબ રહી હતી. ભારતે ત્રીજા જ બોલ પર શુભમન ગિલની વિકેટ ગુમાવી દીધી હતી. ગિલ જેમ્સ એન્ડરસનના બોલ પર એલબીડબલ્યુ આઉટ થયો હતો. તે ખાતુ પણ ખોલાવી શક્યો ન હતો. જોકે, બાદમાં રોહિત શર્મા અને ચેતેશ્વર પૂજારાએ મક્કમતાથી બેટિંગ કરી હતી અને દિવસ પૂરો થાય તે અગાઉ ઈંગ્લેન્ડને કોઈ સફળતા મેળવવા દીધી ન હતી. દિવસના અંતે ભારતે 1 વિકેટે 24 રન નોંધાવ્યા હતા. રોહિત શર્મા 8 અને ચેતેશ્વર પૂજારા 15 રને રમતમાં છે.
ઈંગ્લેન્ડે ટોસ જીતીને પ્રથમ બેટિંગનો નિર્ણય કર્યો હતો પરંતુ અક્ષર પટેલે કેપ્ટન જો રૂટનો આ નિર્ણય ખોટો ઠેરવ્યો હતો અક્ષરે બંને ઓપનરને સસ્તામાં પેવેલિયન ભેગા કરી દીધા હતા. ડોમિનિક સિબ્લી 2 તથા ઝેક ક્રાઉલી 9 રન નોંધાવીને આઉટ થયા હતા. ઈંગ્લેન્ડ આ બે ઝટકામાંથી બહાર આવે તે પહેલા જ મોહમ્મદ સિરાજ ત્રાટક્યો હતો. તેણે જો રૂટને આઉટ કરીને ભારત સૌથી મોટી સફળતા અપાવી હતી. રૂટ 5 રન નોંધાવીને આઉટ થયો હતો. ત્યારબાદ જોની બેરસ્ટો પણ 28 રન નોંધાવીને પેવેલિયન ભેગો થયો હતો. આ બંનેની વિકેટ સિરાજે ઝડપી હતી.
એક સમયે ઈંગ્લેન્ડે 78 રનમાં પોતાની ટોચની ચાર વિકેટ ગુમાવી દીધી હતી. ત્યારે લાગી રહ્યું હતું કે ત્રીજી ટેસ્ટની જેમ આ ટેસ્ટમાં પણ ઈંગ્લેન્ડનો ધબડકો થશે પરંતુ બેન સ્ટોક્સ, ઓલી પોપ અને ડેનિયલ લોરેન્સે ઈંગ્લેન્ડનો ધબડકો અટકાવ્યો હતો. બેન સ્ટોક્સે અડધી સદી ફટકારી હતી અને ટીમ માટે સૌથી વધુ 55 રન નોંધાવ્યા હતા. તેણે 121 બોલમાં છ ચોગ્ગા અને બે સિક્સર ફટકારી હતી.
જ્યારે ઓલી પોપે 29 રનનું યોગદાન આપ્યું હતું. લોરેન્સે અન્ય બેટ્સમેનોની તુલનામાં થોડી ઝડપી બેટિંગ કરી હતી. તેણે 74 બોલમાં 46 રન ફટકાર્યા હતા જેમાં 8 ચોગ્ગા સામેલ હતા. વિકેટકીપર બેન ફોક્સ 1 અને ડોમિનિક બેસ 3 રન નોંધાવીને આઉટ થયા હતા. ભારત માટે અક્ષર પટેલે સૌથી વધુ 4 વિકેટ ઝડપી હતી. જ્યારે અશ્વિને 3, મોહમ્મદ સિરાજે બે તથા વોશિંગ્ટન સુંદરે એક વિકેટ પોતાના નામે કરી હતી.
ઈંગ્લેન્ડે ટોસ જીતીને પ્રથમ બેટિંગનો નિર્ણય કર્યો હતો પરંતુ અક્ષર પટેલે કેપ્ટન જો રૂટનો આ નિર્ણય ખોટો ઠેરવ્યો હતો અક્ષરે બંને ઓપનરને સસ્તામાં પેવેલિયન ભેગા કરી દીધા હતા. ડોમિનિક સિબ્લી 2 તથા ઝેક ક્રાઉલી 9 રન નોંધાવીને આઉટ થયા હતા. ઈંગ્લેન્ડ આ બે ઝટકામાંથી બહાર આવે તે પહેલા જ મોહમ્મદ સિરાજ ત્રાટક્યો હતો. તેણે જો રૂટને આઉટ કરીને ભારત સૌથી મોટી સફળતા અપાવી હતી. રૂટ 5 રન નોંધાવીને આઉટ થયો હતો. ત્યારબાદ જોની બેરસ્ટો પણ 28 રન નોંધાવીને પેવેલિયન ભેગો થયો હતો. આ બંનેની વિકેટ સિરાજે ઝડપી હતી.
એક સમયે ઈંગ્લેન્ડે 78 રનમાં પોતાની ટોચની ચાર વિકેટ ગુમાવી દીધી હતી. ત્યારે લાગી રહ્યું હતું કે ત્રીજી ટેસ્ટની જેમ આ ટેસ્ટમાં પણ ઈંગ્લેન્ડનો ધબડકો થશે પરંતુ બેન સ્ટોક્સ, ઓલી પોપ અને ડેનિયલ લોરેન્સે ઈંગ્લેન્ડનો ધબડકો અટકાવ્યો હતો. બેન સ્ટોક્સે અડધી સદી ફટકારી હતી અને ટીમ માટે સૌથી વધુ 55 રન નોંધાવ્યા હતા. તેણે 121 બોલમાં છ ચોગ્ગા અને બે સિક્સર ફટકારી હતી.
જ્યારે ઓલી પોપે 29 રનનું યોગદાન આપ્યું હતું. લોરેન્સે અન્ય બેટ્સમેનોની તુલનામાં થોડી ઝડપી બેટિંગ કરી હતી. તેણે 74 બોલમાં 46 રન ફટકાર્યા હતા જેમાં 8 ચોગ્ગા સામેલ હતા. વિકેટકીપર બેન ફોક્સ 1 અને ડોમિનિક બેસ 3 રન નોંધાવીને આઉટ થયા હતા. ભારત માટે અક્ષર પટેલે સૌથી વધુ 4 વિકેટ ઝડપી હતી. જ્યારે અશ્વિને 3, મોહમ્મદ સિરાજે બે તથા વોશિંગ્ટન સુંદરે એક વિકેટ પોતાના નામે કરી હતી.