ભારતીય ક્રિકેટ ટીમનો સુકાની વિરાટ કોહલી છેલ્લા ઘણા સમયથી મોટી ઈનિંગ્સ રમી શક્યો નથી. જેના કારણે તેના ફોર્મને લઈને પણ ચર્ચા ચાલી રહી છે. જોકે, તેના બાળપણના કોચ રાજકુમાર શર્માએ વિશ્વાસ વ્યક્ત કર્યો છે કે કોહલી ઈંગ્લેન્ડ વિરુદ્ધ રમાઈ રહેલી ટેસ્ટ સીરિઝમાં મોટી સદી ફટકારશે.
રાજકુમાર શર્માએ જણાવ્યું છે કે તેમણે તાજેતરમાં જ કોહલી સાથે વાત કરી હી અને તેમનું માનવું છે કે ભારતીય સુકાની ટૂંક સમયમાં મોટી સદી ફટકારશે. તેમણે કહ્યું હતું કે, મને નથી લાગતું કે કોહલીને મોટિવેટ કરવાની જરૂર છે કેમ કે તે ઘણો જ મોટિવેટ છે. બીજી ટેસ્ટ બાદ મેં તેની સાથે વાતચીત કરી હતી ત્યારે તે ઘણો જ ઉત્સાહિત હતો અને તે ખુશ હતો કેમ કે ટીમ જીતી હતી. તે પોતાના રનને લઈને વધારે ચિંતિત ન હતો. જ્યારે તેનામાં આ પ્રકારનું વલણ છે, મને વિશ્વાસ છે તે મોટી સદી ફટકારશે.
ઈંગ્લિશ સુકાની જો રૂટ રન નોંધાવીને કોહલી સમક્ષ પડકાર મૂકી રહ્યો છે તે અંગે પૂછતા રાજકુમારે જણાવ્યું હતું કે, હું કહીશ કે જો રૂટ જેવું પ્રદર્શન કરવું કોહલી માટે પડકાર છે. મને ઘણી આશા છે કારણ કે હું કોહલી જ્યારે નાનો હતો ત્યારથી તેને જાણું છું, તેને પડકારો પસંદ છે. તેથી આ ઘણો સારો પડકાર છે અને હું આગામી મેચોમાં વધારે સ્પર્ધા જોઈ શકું છું.
ભારત અને ઈંગ્લેન્ડ વચ્ચે પાંચ ટેસ્ટ મેચની સીરિઝ રમાઈ રહી છે. પ્રથમ ટેસ્ટ ડ્રો રહ્યા બાદ બીજી ટેસ્ટમાં ભારતનો વિજય થયો હતો. હાલમાં ભારત સીરિઝમાં 1-0થી આગળ છે. બંને ટીમો વચ્ચે બુધવારથી લીડ્સમાં ત્રીજી ટેસ્ટ મેચનો પ્રારંભ થશે.
રાજકુમાર શર્માએ જણાવ્યું છે કે તેમણે તાજેતરમાં જ કોહલી સાથે વાત કરી હી અને તેમનું માનવું છે કે ભારતીય સુકાની ટૂંક સમયમાં મોટી સદી ફટકારશે. તેમણે કહ્યું હતું કે, મને નથી લાગતું કે કોહલીને મોટિવેટ કરવાની જરૂર છે કેમ કે તે ઘણો જ મોટિવેટ છે. બીજી ટેસ્ટ બાદ મેં તેની સાથે વાતચીત કરી હતી ત્યારે તે ઘણો જ ઉત્સાહિત હતો અને તે ખુશ હતો કેમ કે ટીમ જીતી હતી. તે પોતાના રનને લઈને વધારે ચિંતિત ન હતો. જ્યારે તેનામાં આ પ્રકારનું વલણ છે, મને વિશ્વાસ છે તે મોટી સદી ફટકારશે.
ઈંગ્લિશ સુકાની જો રૂટ રન નોંધાવીને કોહલી સમક્ષ પડકાર મૂકી રહ્યો છે તે અંગે પૂછતા રાજકુમારે જણાવ્યું હતું કે, હું કહીશ કે જો રૂટ જેવું પ્રદર્શન કરવું કોહલી માટે પડકાર છે. મને ઘણી આશા છે કારણ કે હું કોહલી જ્યારે નાનો હતો ત્યારથી તેને જાણું છું, તેને પડકારો પસંદ છે. તેથી આ ઘણો સારો પડકાર છે અને હું આગામી મેચોમાં વધારે સ્પર્ધા જોઈ શકું છું.
ભારત અને ઈંગ્લેન્ડ વચ્ચે પાંચ ટેસ્ટ મેચની સીરિઝ રમાઈ રહી છે. પ્રથમ ટેસ્ટ ડ્રો રહ્યા બાદ બીજી ટેસ્ટમાં ભારતનો વિજય થયો હતો. હાલમાં ભારત સીરિઝમાં 1-0થી આગળ છે. બંને ટીમો વચ્ચે બુધવારથી લીડ્સમાં ત્રીજી ટેસ્ટ મેચનો પ્રારંભ થશે.