ભારતની ઈંગ્લેન્ડ અને ઓસ્ટ્રેલિયા સામેની ટેસ્ટ મેચ ફિક્સ હતી? ICCએ કરી સ્પષ્ટતા

દુબઈઃ ક્રિકેટમાં ફરીથી મેચ ફિક્સિંગની ચર્ચા શરૂ થઈ છે. સમાચાર ચેનલ અલ જઝીરાએ દાવો કર્યો છે કે ભારતની ઈંગ્લેન્ડ (2016) અને ઓસ્ટ્રેલિયા (2017) સામેની ટેસ્ટ મેચ ફિક્સ હતી. અલ જઝીરાની ડોક્યુમેન્ટ્રી 'ક્રિકેટ્સ મેચ ફિક્સર્સ' 2018માં રિલીઝ થઈ હતી જેમાં દાવો કરવામાં આવ્યો હતો કે ભારતની 2016માં ચેન્નઈમાં ઈંગ્લેન્ડ સામે રમાયેલી તથા 2017માં રાંચીમાં ઓસ્ટ્રેલિયા સામે રમાયેલી ટેસ્ટ મેચ ફિક્સ હતી.

જોકે, ઈન્ટરનેશનલ ક્રિકેટ કાઉન્સિલે (આઈસીસી) ડોક્યુમેન્ટ્રીમાં જોવા મળેલા પાંચ લોકોને ક્લીન ચિટ આપી દીધી છે. આઈસીસી એ કહ્યું છે કે, તેમનું વર્તન શંકાના ઘેરામાં હતું પરંતુ તેમની સામે ચાર્જ લગાવવામાં આવે તેવા કોઈ વિશ્વસનીય પૂરાવા મળ્યા નથી. આ પ્રોગ્રામ દરમિયાન કથિત બૂકી અનીલ મુન્નવર પોતાના કનેક્શન અને તેના મેચ ફિક્સિંગના ઈતિહાસની વાત કરતો જોવા મળે છે જેમાં વિરાટ કોહલીની ભારતીય ટીમની બે મેચ પણ સામેલ છે.
સચિને શેર કરી 13 વર્ષ જુની વાત, પ્રથમ મુલાકાતમાં પગમાં પડી ગયો હતો કોહલીઆઈસીસી એ આ દાવાઓ બાદ તપાસ કરી હતી. આઈસીસી એ જણાવ્યું હતું કે, આ પ્રોગ્રામમાં બે મેચ ફિક્સ હોવાનો દાવો કરવામાં આવ્યો હતો. ભારત અને ઈંગ્લેન્ડ વચ્ચે ચેન્નઈમાં 2016માં તથા ભારત અને ઓસ્ટ્રેલિયા વચ્ચે રાંચીમાં 2017 રમાયેલી મેચ ફિક્સ હોવાનો દાવો કર્યો હતો. આઈસીસી એ જણાવ્યું હતું કે, ચાર સ્વતંત્ર ક્રિકેટ નિષ્ણાતોએ આ દાવાઓનું વિશ્લેષણ કર્યું અને તેઓ નિષ્કર્ષ પર પહોંચ્યા કે કાર્યક્રમમાં દેખાડવામાં આવેલા નિષ્કર્ષ સંપૂર્ણ પણે અનુમાનિત હતા. તેમાં મેચ ફિક્સ કરવું અશક્ય હતું.
IPL રદ થયાના બે સપ્તાહ બાદ વતન પહોંચ્યા ઓસ્ટ્રેલિયન ક્રિકેટર્સ, પણ ઘરે નહીં જઈ શકેઆઈસીસીના જનરલ મેનેજર એલેક્સ માર્શલે જણાવ્યું છે કે, અમે ક્રિકેટમાં ચાલતી હોય તેવી તમામ ભ્રષ્ટ ગતિવિધીઓના રિપોર્ટિંગનું સ્વાગત કરીએ છીએ. આપણી રમતમાં આ પ્રકારની વર્તણુંકની કોઈ જગ્યા નથી. પરંતુ અમારે તે પણ સાબિત કરવાનું હોય છે જેમના વિરુદ્ધ આરોપ લગાવવામાં આવ્યા છે તેમના વિરુદ્ધ પૂરાવા પણ મળે. આ કાર્યક્રમમાં કરવામાં આવેલા દાવા અશક્ય છે અને તેની વિશ્વસનીયતા પણ નથી. ચારેય નિષ્ણાતોએ પણ તેની પુષ્ટી કરી છે.