જો રૂટે રચ્યો ઈતિહાસ, 100મી ટેસ્ટમાં બેવડી સદી ફટકારનારો પહેલો બેટ્સમેન બન્યો

ભારત વિરુદ્ધ ચેન્નઈ ટેસ્ટના પહેલા દિવસે પોતાની 100મી ટેસ્ટ રહેલા ઈંગ્લેન્ડના કેપ્ટન જો રૂટે સદી સાથે શરૂઆત કરી હતી. પહેલા દિવસે 128 રન બનાવીને અણનમ રહેનારા રૂટે બીજા દિવસે રમત આગળ વધારતા 341 બોલમાં પોતાની બેવડી સદી પૂરી કરી લીધી. આ સાથે જ જો રૂટે 100મી ટેસ્ટમાં બેવડી સદી ફટકારીને આ કારનામું કરનારો દુનિયાનો પહેલો બેટ્સમેન બની ગયો છે. તેના પહેલા અન્ય કોઈ ખેલાડી આમ કરી શક્યો નથી.

છગ્ગા સાથે પૂરી કરી બેવડી સદી
રૂટે પોતાની ઈનિંગ્સમાં 143મી ઓવરના ત્રીજા બોલે રવિચંદ્રન અશ્વિનના બોલ પર શાનદાર છગ્ગો મારીને બેવડી સદી પૂરી કરી હતી. આ તેના કરિયરની પાંચમી અને કેપ્ટન તરીકે બીજી બેવડી સદી છે. પાછલી ત્રણ મેચોમાં રૂટે બીજી વખતે 200 રનના આંકડાને પાર કર્યો છે. ભારત વિરુદ્ધ રૂટની આ પહેલી બેવડી સદી છે.

ઈંઝમામ ઉલ હકનો રેકોર્ડ તોડ્યો
રૂટે પોતાની ઈનિંગ્સ દરમિયન 100મી ટેસ્ટમાં સૌથી મોટી ઈનિંગ્સ રમવાનો ઈંઝમામ ઉલ હકનો રેકોર્ડ તોડીને બેવડી સદી ફટકારી છે. ઈંઝમામે વર્ષ 2004-05માં ભારત વિરુદ્ધ બેંગલુરુમાં પોતાની 100મી ટેસ્ટમાં 184 રન બનાવ્યા હતા. એવામાં ભારત સામે રમતા જ રૂટે 16 વર્ષ જૂનો રેકોર્ડ પોતાના નામે કરી લીધો.

બ્રેડમેન બાદ સ્પેશ્યલ હેટ્રિક કરનાર બીજો ખેલાડીરૂટ સતત ત્રણ મેચોમાં 150થી વધારે રન બનાવીને સર ડોન બ્રેડમેન બાદ દુનિયાનો બીજો કેપ્ટન બની ગયો છે. ડોન બ્રેડમેને વર્ષ 1937માં કેપ્ટન તરીકે આ કમાલ કરી હતી. 84 વર્ષ બાદ તેમના રેકોર્ડની કોઈ કેપ્ટન બરાબરી કરી શક્યું છે. રૂટે સતત ત્રણ ટેસ્ટમાં 150થી વધારે રન બનાવ્યા છે.