ભારતીય ક્રિકેટ ટીમની હોટલથી 30 કિમી દૂર પ્લેન ક્રેશ, ગભરાયેલા ખેલાડીઓમાં મચી ભાગદોડ

ભારતીય ક્રિકેટ ટીમ જે સિડની ઓલિમ્પિક પાર્ક હોટલમાં ક્વોરેન્ટીન છે ત્યાંથી લગભગ 30 કિમી દૂર ક્રોમર પાર્કમાં રમી રહેલા સ્થાનિક ક્રિકેટર અને ફૂટબોલર વિમાન દુર્ઘટનાથી હેરાન થઈ ગયા હતા. શનિવારે આ ઘટના બની હતી. જ્યારે વિમાન દુર્ઘટનાગ્રસ્ત થઈને મેદાન પાસે આવીને પડ્યું ત્યારે મેદાન પર ક્રિકેટ અને ફૂટબોલની મેચ રમાઈ રહી હતી. વિમાનને નીચે પોતાની તરફ આવતા જોઈને ખેલાડીઓ ગભરાઈને ભાગવા લાગ્યા હતા.

ક્રોમર ક્રિકેટ ક્લબના સીનિયર વાઈસ પ્રેસિડેન્ટ ગ્રેગ રોલિન્સે જણાવ્યું હતું કે શેડમાં જે ખેલાડી હતા મેં તેમને બૂમો પાડી હતી. મેં કહ્યું હતું કે ભાગો અને તેમણે ભાગવાનું શરૂ કર્યું હતું.

સ્કોટ મેનિંગ નામના ખેલાડીના પિતા અને પ્રમિકા શેડમાં હતા. તેમણે નાઈન નેટવર્ક સાથેની વાતચીતમાં કહ્યું હતું કે, હું બૂમો પાડીને ભાગ્યો અને પાયલટ ગમે તે રીતે શેડની ઉપર આવી ગયો. તેમાંથી 12 લોકો બહાર આવી ગયા.

વિમાન એક ફ્લાઈંગ સ્કૂલનું હતું જે એન્જિનમાં ખરાબી થવાથી દુર્ઘટનાગ્રસ્ત થયું હતું. આ વિમાનમાંથી બે લોકો ઈજાગ્રસ્ત થયા બાદ પણ બચી ગયા હતા.