IPL 2020માં એક ઓવરમાં 5 સિક્સ મારનારા રાહુલ તેવટિયાએ રિદ્ધિ પન્નુ સાથે કરી સગાઈ

IPL 2020માં પોતાની તોફાની બેટિંગના કારણે ચર્ચામાં રહેનારા હરિયાણાના ઓલરાઉન્ડર રાહુલ તેવટિયાએ નવી ઈનિંગ્સની શરૂઆત કરી છે.રાજસ્થાન રોયલ્સ તરફથી રમનારા તેવટિયાએ ત્રણ ફેબ્રુઆરીએ રિદ્ધિ પનુ સાથે સગાઈ કરી લીધી છે. 27 વર્ષીય ખેલાડીએ પોતાના ટ્વીટર એકાઉન્ટ પર સગાઈની તસવીરો શેર કરીને જાણકારી આપી.


તેવટિયાએ સોશિયલ મીડિયા પર પોતાની સગાઈની તસવીરો શેર કરી અને કેપ્શમાં માત્ર 3 ફેબ્રુઆરી 2021 એટલે પોતાના સગાઈની તારીખ લખી હતી. તેની સગાઈમાં નીતિશ રાણા અને હરિયાણાના તેના સાથી બોલિર જયંત યાદવ પણ હાજર રહ્યો હતો.


રાહુલ તેવટિયા આઈપીએલ 2020માં રાજસ્થાન રોયલ્સ તરફથી રમતાં કિંગ્સ ઇલેવન પંજાબ સામેની મેચમાં એક ઓવરમાં પાંચ સિક્સ ફટકારીને ચર્ચામાં આવ્યો હતો. આ મેચમાં તેણે ટીમને જીત અપાવી હતી. આ મેચમાં તેવટિયાએ પાંચ સિક્સની મદદથી 31 ઓવરમાં 53 રનની અણનમ ઈનિંગ્સ રમી હતી.રાહુલ તેવટિયા સૈયદ મુશ્તાક અલી ટૂર્નામેન્ટમાં હરિયાણાની ટીમનો હિસ્સો હતો.