રિષભ પંતે ઓસ્ટ્રેલિયાના એક જ બેટ્સમેનના ઉપરાછાપરી કેચ છોડ્યા, સોશિયલ મીડિયામાં ટ્રેન્ડ થયો

આજથી ઓસ્ટ્રેલિયા અને ભારત વચ્ચે ત્રીજી ટેસ્ટ મેચ શરુ થઈ છે. બન્ને ટીમોએ આ પહેલા એક-એક મેચ જીતી લીધા બાદ આ મેચ મહત્વની માનવામાં આવી રહી છે. એવામાં સિડની ટેસ્ટ મેચમાં યુવા વિકેટકીપર ઋષભ પંતે ઓસ્ટ્રેલિયા માટે પોતાની પહેલી ટેસ્ટ મેચ રમી રહેલા વિલ પુકોવસ્કીના બે કેચ છોડ્યા છે. મેચમાં પંતની ખરાબ વિકેટકીપિંગ જોઈને સોશિયલ મીડિયા પર ટ્રેન્ડ કરવામાં આવી રહ્યો છે રિષભ પંતે બે ભારતીય બોલર્સના બોલ પર પુકોવસ્કીના બે કેચ છોડ્યા હતા.

સિડનીમાં ઓસ્ટ્રેલિયા સામે વિકેટકીપિંગ કરનારા ઋષભ પંતે ઓસ્ટ્રેલિયા સામે ત્રીજી ટેસ્ટમાં ખરાબ વિકેટકીપિંગ માટે ટ્રેન્ડ થઈ રહ્યો છે. પંતે સ્પિનર રવિચંદ્ર અશ્વિન અને મોહમ્મદ સિરાજના બોલ પર કેચ છોડ્યા હતા. આમ ભારતીય ટીમે એક પછી એક એમ બે વિકેટની તકો ગુમાવી દીધી.


ઈનિંગ્સની 22મી ઓવરમાં અશ્વિન પુકોવસ્કીને બોલિંગ કરી રહ્યો હતો, ત્યારે બેટનો સંપર્ક થયા બાદ બોલ વિકટકીપરના હાથમાં જતો દેખાતો હતો પરંતુ પંતે સરળ કેચ છોડી દીધો હતો. આ પછી 25મી ઓવરમાં સિરાજની બોલિંગમાં પણ કેચ છોડ્યો હતો. બે ચાન્સ મળ્યા બાદ ટી બ્રેક પહેલા પુકોવસ્કીએ શાનદાર અડધી સદી ફટકારી હતી.


ક્રિકવિઝના રિપોર્ટ મુજબ પંતે વર્ષ 2018થી પોતાની દરેક ટેસ્ટ મેચમાં એક કેચ છોડ્યો છે. તેની ટેસ્ટમાં કેચ છોડવાની એવરેજ 0.86 છે. જો આ દરમિયાન 10 ટેસ્ટ મેચના આંકડા કાઢવામાં આવે તો પંતનો રેકોર્ડ સૌથી ખરાબ છે. ટેસ્ટમાં પેસ બોલર્સ સામે કેચ પકડવાની તેની એવરેજ 93% છે જ્યારે સ્પિનર સામે તે 59% થઈ જાય છે.


ભારત અને ઓસ્ટ્રેલિયા સામે આ ત્રીજી મેચ રમાઈ રહી છે. જેમાં પહેલી મેચમાં ઓસ્ટ્રેલિયાએ શાનદાર જીત મેળવ્યા બાદ બીજી ટેસ્ટમાં ભારતીય ટીમે કમબેક કર્યું હતું અને સીરિઝને 1-1થી બરાબર કરી હતી. હવે આજથી સિડનીમાં ઓસ્ટ્રેલિયા અને ભારત વચ્ચે ત્રીજી ટેસ્ટ શરુ થઈ છે. આ પહેલા ઓસ્ટ્રેલિયાએ વનડે સીરિઝ અને ભારતે T20 સીરિઝ પોતાના નામે કરી છે.


જુઓ રિષભ પંતની ખરાબ વિકેટકીપિંગ બાદ તેને સોશિયલ મીડિયા પર ખરુ-ખોટું સંભળાવવામાં આવી રહ્યું છે.